ନୂଆଦିଲ୍ଲୀ: ସ୍ଥଳସେନା ଅଧ୍ୟକ୍ଷ ଜେନେରାଲ ମନୋଜ ପାଣ୍ଡେ (General Manoj Pande) ଙ୍କୁ ଆଜି ରାଷ୍ଟ୍ରପତି ରାମନାଥ କୋବିନ୍ଦ ପରମ ବିଶିଷ୍ଟ ସେବା ପଦକ(Param Vishisht Seva Medal) ସମ୍ମାନରେ ସମ୍ମାନିତ କରିଛନ୍ତି ।
ଏହାସହ ସେନାରେ ଅଦ୍ୟମ ସାହାସ ବୀରତ୍ବ ପାଇଁ 6 ଜଣଙ୍କୁ ମରଣୋତ୍ତର ସୌର୍ଯ୍ୟ ଚକ୍ର ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି କୋବିନ୍ଦ । ଏହା ସହ ଅବସର ପ୍ରାପ୍ତ ଲେଫ୍ଟନାଣ୍ଟ ଜେନେରାଲ କେଜେଏସ ଢିଲ୍ଲୋଙ୍କୁ ମଧ୍ୟ ପରମ ବିଶିଷ୍ଟ ସେବା ପଦକରେ ସମ୍ମାନିତ କରିଛନ୍ତି ।
ରାଷ୍ଟ୍ରପତି ଭବନରେ ଆୟୋଜିତ ଏକ ସ୍ବତନ୍ତ୍ର ସମାରୋହରେ କାର୍ଯ୍ୟକ୍ରମରେ ରାଷ୍ଟ୍ରପତି 3 ସେନାର ଅଧିକାରୀ, ଯବାନଙ୍କୁ ସମ୍ମାନିତ କରିଛନ୍ତି । ମରଣୋତ୍ତର ଭାବେ 6 ଜଣ ସହିଦ ବୀର ଯବାନ କ୍ୟାପଟେନ ଆଶୁତୋଷ କୁମାର(18 ମାଡ୍ରାସ ରେଜିମେଣ୍ଟ)ନାଏବ ସୁବେଦାର ଶ୍ରୀଜିତ ଏମ (17 ମାଡ୍ରାସ ରେଜିମେଣ୍ଟ) , ହାବିଲଦାର ଅନୀଲ ତୋମାର (44 ରାଜପୁତ ରେଜିମେଣ୍ଟ), ସହିଦ ପିଙ୍କୁ କୁମାର (34 ରାଜପୁତ ରେଜିମେଣ୍ଟ), ସହିଦ କାଶୀରାୟ ବମ୍ମାନଲ୍ଲୀ (44 ରାଜପୁତ ରେଜିମେଣ୍ଟ) ଓ ସିପାହୀ ଯୋଶବନ୍ତ ରେଡ୍ଡୀ (17 ମାଡ୍ରାସ ରେଜିମେଣ୍ଟ)ଙ୍କୁ ସୌର୍ଯ୍ୟ ଚକ୍ର ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି ।
ରାଷ୍ଟ୍ରପତି ଭବନରେ ଆୟୋଜିତ ଏହି ସ୍ବତନ୍ତ୍ର କାର୍ଯ୍ୟକ୍ରମରେ ଉପ-ରାଷ୍ଟ୍ରପତି ଏମ ଭେଙ୍କେୟା ନାଇଡୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବୈଦେଶିକ ମନ୍ତ୍ରୀ ଏସ ଜୟଶଙ୍କର, ଏକାଧିକ କେନ୍ଦ୍ରମନ୍ତ୍ରୀ, ବିଶିଷ୍ଟ ବ୍ୟକ୍ତି, ଅଧିକାରୀ, କର୍ମଚାରୀ ଓ ସେନା ଅଧିକାରୀଙ୍କ ପରିବାରବର୍ଗ ଉପସ୍ଥିତ ଅଛନ୍ତି ।
@ANI
