ନୂଆଦିଲ୍ଲୀ: ପାଳନ ହେଉଛି 73 ତମ ସେନା ଦିବସ । ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେନା ଅଧିକାରୀ, ପୂର୍ବତନ ସେନା କର୍ମଚାରୀ ଏବଂ ସେମାନଙ୍କ ପରିବାରବର୍ଗଙ୍କୁ ଶୁଭେଚ୍ଛା ଜଣାଇଛନ୍ତି । ରାଷ୍ଟ୍ରର ସେବାରେ ସର୍ବୋଚ୍ଚ ବଳିଦାନ ଦେଇଥିବା ସାହସୀ ହୃଦୟକୁ ରାଷ୍ଟ୍ରପତି କୋବିନ୍ଦ କହିଥିଲେ ଯେ ସୈନିକ ଏବଂ ସେମାନଙ୍କ ପରିବାରର ସାହସିକତା ପାଇଁ ଦେଶ ତାଙ୍କୁ ଚିରଦିନ ପାଇଁ ମନେରଖିବା ରହିବ।
"ସେନା ଦିବସରେ ଭାରତୀୟ ସେନାର ବୀର ପୁରୁଷ ଓ ମହିଳାଙ୍କୁ ଶୁଭେଚ୍ଛା । ଜାତିର ସେବାରେ ସର୍ବୋଚ୍ଚ ବଳିଦାନ ଦେଇଥିବା ସାହସୀ ମାନଙ୍କୁ ଆମେ ମନେ ରଖିଛୁ । ସାହସୀ ତଥା ପ୍ରତିବଦ୍ଧ ସୈନିକ, ଭେଟେରାନ ଏବଂ ସେମାନଙ୍କ ପରିବାର ପାଇଁ ଭାରତ ଚିରଦିନ ପାଇଁ କୃତଜ୍ଞ ରହିବ। ଜୟ ହିନ୍ଦ" ଲେଖି ରାଷ୍ଟ୍ରପତି ଟ୍ବିଟ କରିଛନ୍ତି।
ସେହିପରି ପ୍ରଧାନମନ୍ତ୍ରୀ ମୋଦି ଭାରତୀୟ ସେନାକୁ ସମଗ୍ର ଦେଶ ତରଫରୁ ଶୁଭେଚ୍ଛା ଜଣାଇବା ସହ କହିଛନ୍ତି ଯେ ଭାରତର ଶକ୍ତିଶାଳୀ ତଥା ସାହସୀ ସେନା ସର୍ବଦା ଗର୍ବର ସହିତ ଦେଶର ମୁଖକୁ ଉଚ୍ଚ କରି ରଖିଛି।
"ଶକ୍ତିଶାଳୀ ସୈନିକମାନଙ୍କୁ ନମସ୍କାର, ଯେଉଁମାନେ ନିଜ ଜୀବନର ପ୍ରତ୍ୟେକ ମୁହୂର୍ତ୍ତକୁ ମା ଭାରତୀଙ୍କ ସେବାରେ ଉତ୍ସର୍ଗ କରନ୍ତି ଏବଂ ସେନା ଦିବସ ଅବସରରେ ସେମାନଙ୍କ ପରିବାରକୁ ଏହି ଦିବସକୁ ଉତ୍ସର୍ଗ କରାଯାଉଛି । ଆମର ସେନା ଦୃଢ, ସାହସୀ ଏବଂ ସଂକଳ୍ପବଦ୍ଧ ଏବଂ ସର୍ବଦା ଦେଶର ଶିରକୁ ଉଚ୍ଚ କରି ରଖିଛି । ମୁଁ ସମସ୍ତ ଦେଶବାସୀଙ୍କ ତରଫରୁ ଭାରତୀୟ ସେନାକୁ ନମସ୍କାର କରୁଛି ବୋଲି ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି।
ଅନ୍ୟପଟେ ଗୃହମନ୍ତ୍ରୀ ଅମିତ ଶାହା ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି, ସ୍ଥଳସେନା ଦିବସ ଅବସରରେ ଭାରତୀୟ ବୀର ଯବାନଙ୍କୁ ଦେଶ ସର୍ବଦା ମନେରଖିବ । ଏବଂ ଯବାନଙ୍କ ନିସ୍ବାର୍ଥ ପର ସେବା, ସଚ୍ଚୋଟତା,ଦେଶ ପ୍ରତି ଥିବା ଭଲପାଇବାକୁ ଦେଶ ସଲାମ କରୁଛି ।
ସ୍ଥଳ ସେନା ଦିବସ; ଶୁଭେଚ୍ଛା ଜଣାଇଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ
