ନୂଆଦିଲ୍ଲୀ: ଆଜି ରଙ୍ଗର ପର୍ବ ହୋଲି । ସବୁ ପର୍ବ ଭିତରେ ଭାରତୀୟଙ୍କ ପାଇଁ ଏହା ଏକ ଲୋକପ୍ରିୟ ପର୍ବ । ଜାତି, ଧର୍ମ, ବର୍ଣ୍ଣ, ଲିଙ୍ଗ ନିର୍ବିଶେଷରେ ସମସ୍ତେ ଏହି ପର୍ବକୁ ଖୁବ୍ ଧୁମ୍ଧାମ୍ରେ ପାଳନ କରନ୍ତି । ଗାଁଠୁ ସହର ସବୁଆଡେ ଉଡେ ଅବିର । ଆଉ ମନ ହୋଇଯାଏ ରଙ୍ଗୀନ । ପବିତ୍ର ହୋଲି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି ରଙ୍ଗର ପର୍ବ ସମସ୍ତଙ୍କ ଜୀବନରେ ସକରାତ୍ମକ ଶକ୍ତି ଯୋଗାଇବ ଏବଂ ରାଷ୍ଟ୍ର ନିର୍ମାଣର ଅଧିକ ଶକ୍ତିଶାଳୀ କରିବ । ସେ ଆହୁରି କହିଛନ୍ତି ହୋଲିର ଏହି ଶୁଭ ଅବସରରେ ଦେଶ ତଥା ବିଦେଶରେ ରହୁଥିବା ଆମର ସମସ୍ତ ଭାରତୀୟଙ୍କୁ ମୋର ଅନେକ ଅନେକ ଶୁଭେଚ୍ଛା । ସେ ଆହୁରି ମଧ୍ୟ କହିଛନ୍ତି, ହୋଲି ରଙ୍ଗର ପର୍ବ, ବସନ୍ତ ଋତୁ ଆରମ୍ଭକୁ ଦର୍ଶାଏ, ଯାହା ଆମ ଜୀବନରେ ଆନନ୍ଦ ଏବଂ ଉତ୍ସାହ ଆଣିଥାଏ । ଏହି ପର୍ବ ସାମାଜିକ ସୌହାର୍ଦ୍ଦ୍ୟ ଏବଂ ଏକତାର ଜୀବନ୍ତ ଉଦାହରଣ । ଶିଶୁ, ଯୁବକ, ପୁରୁଷ ଏବଂ ମହିଳା ସମସ୍ତ ବୟସର ବ୍ୟକ୍ତି ବିଶେଷ ଦିନକୁ ପୂର୍ଣ୍ଣ ଉତ୍ସାହରେ ପାଳନ କରନ୍ତୁ ବୋଲି କହିଛନ୍ତି ରାଷ୍ଟ୍ରପତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏହି ପବିତ୍ର ଦିନରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ହୋଲିରେ ସମସ୍ତଙ୍କୁ ଅନେକ ଅନେକ ଶୁଭେଚ୍ଛା । ନିଜ ନିଜ ଭିତରେ ଥିବା ପ୍ରେମ, ସୌହାର୍ଦ୍ଦ୍ୟ ଏବଂ ଭାଇଚାରାର ପ୍ରତୀକ ଏହି ରଙ୍ଗ ଉତ୍ସବ ସମସ୍ତଙ୍କ ଜୀବନରେ ଖୁସିର ରଙ୍ଗ ଆଣୁ ।
ଉପରାଷ୍ଟ୍ରପତି ଭେଙ୍କେୟା ନାଇଡୁ ମଧ୍ୟ ରଙ୍ଗ ଉତ୍ସବରେ ଦେଶବାସୀଙ୍କ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ହୋଲିର ଶୁଭ ଅବସରରେ ଦେଶବାସୀଙ୍କୁ ମୋର ଶୁଭେଚ୍ଛା । ସାରା ଦେଶରେ ପାରମ୍ପାରିକ ଉତ୍ସାହ ଏହି ଦିନଟିକୁ ପାଳନ କରାଯାଏ । ପରିବାର ଏବଂ ବନ୍ଧୁମାନଙ୍କ ପାଇଁ ଏକାଠି ହେବା ଏବଂ ଜୀବନରେ ସ୍ବତଃପ୍ରବୃତ୍ତ, ଆନନ୍ଦ ଉଲ୍ଲାସର ଦିନଟିଏ ହୋଲି । ବନ୍ଧୁତା ଏବଂ ବନ୍ଧୁତ୍ବର ବନ୍ଧନକୁ ଦୃଢ କରିବାକୁ ଚେଷ୍ଟା କରିବା ଯାହା ଆମ ସମାଜକୁ ଏକତ୍ର ରଖେ । ଏହି ପର୍ବ ଆମ ଜୀବନରେ ଶାନ୍ତି, ସୌହାର୍ଦ୍ଦ୍ୟ, ସମୃଦ୍ଧତା ଏବଂ ସୁଖ ଆଣିଦେଉ ବୋଲି କହିଛନ୍ତି ଉପରାଷ୍ଟ୍ରପତି ।