ନୂଆଦିଲ୍ଲୀ: ଆଜି ସରସ୍ବତୀ ପୂଜା । ବସନ୍ତ ପଞ୍ଚମୀ ଓ ସରସ୍ବତୀ ପୂଜା ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।
ବସନ୍ତ ପଞ୍ଚମୀ ତଥା ସରସ୍ବତୀ ପୂଜା ଅବସରରେ ସମସ୍ତ ଦେଶବାସୀଙ୍କୁ ହାର୍ଦ୍ଦିକ ଶୁଭେଚ୍ଛା ଦେବା ସହିତ ବସନ୍ତର ଆଗମନରେ ସମସ୍ତ ଦେଶବାସୀଙ୍କ ଜୀବନ ସୁଖ ସମୃଦ୍ଧିମୟ ହେଉ ବୋଲି ଟ୍ବିଟ କରି କହିଛନ୍ତି ରାଷ୍ଟ୍ରପତି କୋବିନ୍ଦ। ମାଘମାସର ପଞ୍ଚମ ଦିନରେ ବସନ୍ତ ପଞ୍ଚମୀକୁ ଦେଶର ଅନେକ ସ୍ଥାନରେ ସରସ୍ବତୀ ପୂଜା ଭାବରେ ପାଳନ କରାଯାଏ । ହିନ୍ଦୁ ସଂସ୍କୃତିରେ ଏହି ଉତ୍ସବକୁ ବେଶ ଆନନ୍ଦରେ ପାଳନ କରାଯାଇଥାଏ ।