ନୂଆଦିଲ୍ଲୀ: ଆଜି ପବିତ୍ର ଦଶହରା ବା ବିଜୟାଦଶମୀ । ପାପର ବିନାଶ ପାଇଁ ଧରାପୃଷ୍ଠକୁ ଅବତରଣ କରିଥିବା ମା' ଦୁର୍ଗତୀନାଶିନୀଙ୍କ ଦଶହରା । ଅସତ୍ୟ ଉପରେ ସତ୍ୟର ବିଜୟ ସ୍ବରୂପ ଏହି ପର୍ବ ପାଳନ ହୋଇଥାଏ । ଆଜି ଅଧର୍ମ ଉପରେ ଧର୍ମର ଜୟ ହୋଇଥିଲା । ଏହି ପବିତ୍ର ବିଜୟା ଦଶମୀ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ବିଜୟା ଦଶମୀ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ ଟ୍ବିଟ୍ କରି କହିଛନ୍ତି, "ଦଶହରାର ଏହି ପବିତ୍ର ପର୍ବରେ ସମସ୍ତ ଦେଶବାସୀଙ୍କୁ ମୋର ଶୁଭକାମନା । ଦଶହରାକୁ ବିଜୟାଦଶମୀ ରୂପରେ ପାଳନ କରାଯାଏ । ଆମକୁ ସତ୍ୟ ଏବଂ ଧର୍ମର ମାର୍ଗରେ ଚାଲିବାକୁ ଏହା ପ୍ରେରଣା ଦେଇଥାଏ । ଏହି ପବିତ୍ର ପର୍ବରେ ସମଗ୍ର ମାନବଜାତିର କଲ୍ୟାଣ ନିମନ୍ତେ ମୁଁ କାମନା କରୁଛି । ଏହା ସହିତ ସତ୍ୟ ଓ ନ୍ୟାୟ ମାର୍ଗରେ ଆଗକୁ ବଢିବାକୁ ଏହି ପର୍ବ ପ୍ରେରଣା ଦେବ ।"
ପବିତ୍ର ବିଜୟା ଦଶମୀ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି,"ଦେଶରେ ମୋର ସମଗ୍ର ପରିବାରଜନଙ୍କୁ ବିଜୟା ଦଶମୀରେ ହାର୍ଦ୍ଦିକ ଶୁଭକାମନା । ଏହି ପବିତ୍ର ପର୍ବ ନକାରାତ୍ମକ ଶକ୍ତିର ଅନ୍ତ ସହିତ ଜୀବନରେ ଭଲର ସ୍ଥାପନା ନେଇ ସନ୍ଦେଶ ନେଇ ଆସିଛି ।"