ବେଙ୍ଗାଲୁରୁ: ଆସନ୍ତା ଫେବୃୟାରୀରେ ବେଙ୍ଗାଲୁରୁରେ ଅନୁଷ୍ଠିତ ହେବାକୁ ଯାଉଛି ଏୟାର ସୋ' । ଏହି ଏରୋ ଇଣ୍ଡିଆ ସୋ'ର ପ୍ରସ୍ତୁତି ସମୀକ୍ଷା କଲେ ପ୍ରତିରକ୍ଷା ମନ୍ତ୍ରୀ । କର୍ଣ୍ଣାଟକ ବିଧାନସଭାଠାରେ ଅନୁଷ୍ଠିତ ଆପେକ୍ସ କମିଟିର ଉଚ୍ଚ ସ୍ତରୀୟ ବୈଠକରେ ପରେ ଏରୋ ଇଣ୍ଡିଆ 2021ରେ ସତର୍କତା ଏବଂ ସୁରକ୍ଷା ବ୍ୟବସ୍ଥା କଡାକଡି କରାଯିବା ନେଇ ସୂଚନା ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ
ଏରୋ ଇଣ୍ଡିଆ 2021ରେ ସତର୍କତା ଓ ସୁରକ୍ଷା ବ୍ୟବସ୍ଥା କଡାକଡି ହେବ: ପ୍ରତିରକ୍ଷା ମନ୍ତ୍ରୀ
ପ୍ରତିରକ୍ଷା ମନ୍ତ୍ରୀ ଗଣମାଧ୍ୟମକୁ କହିଛନ୍ତି, ଏରୋ ଇଣ୍ଡିଆ ପରିଚାଳନାରେ ବେଙ୍ଗାଲୁରୁର ଅନେକ ଅଭିଜ୍ଞତା ରହିଛି । କୋଭିଡ ସଙ୍କଟ ମଧ୍ୟରେ ଏହା ଏକ ସଫଳ ପଦକ୍ଷେପ ହେବ ବୋଲି ମୁଁ ନିଶ୍ଚିତ ଅଛି । ଆପେକ୍ସ କମିଟିର ଏହି ଉଚ୍ଚସ୍ତରୀୟ ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସମେତ କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପା ଏବଂ ବହୁ ବାୟୁସେନା ଅଧିକାରୀମାନେ ଯୋଗ ଦେଇଥିଲେ ।