ଲକ୍ଷ୍ନୌ: ଉତ୍ତରପ୍ରଦେଶ ପ୍ରତାପଗଡ଼ରେ ପାଣି ଟାଙ୍କି ଉପରେ ଚଢିଲେ ଯୁବତୀ (Pratapgarh Angry girl climbed on water tank)। ପ୍ରେମିକଙ୍କ ସହିତ ବିବାହ ପାଇଁ ନାବାଳିକା ଜଣକ ପାଣି ଟାଙ୍କି ଉପରେ ଚଢିଥିବା ଜଣାପଡ଼ିଛି । ପୋଲିସ ଓ ଆତ୍ମୀୟ ପରିଜନ ବହୁ ସମୟ ଧରି ବୁଝାଇବା ପରେ ଶେଷରେ ନାବାଳିକା ଜଣକ ପାଣି ଟାଙ୍କି ଉପରୁ ତଳକୁ ଆସିଥିବା ଜଣାପଡ଼ିଛି ।
ମିଳିଥିବା ସୂଚନା ଅନୁସାରେ କୋତବାଲି ସହର ରହୁଥିବା ଜଣେ ନାବାଳିକା ରାନୀଗଞ୍ଜ ଅଞ୍ଚଳରେ ଦୀପକ ନାମକ ଯୁବକଙ୍କୁ ପ୍ରେମ କରୁଥିଲେ । ପ୍ରେମିକ ଜଣକ ନାବାଳିକଙ୍କ ସମ୍ପର୍କୀୟ ଥିଲେ । ୩ ମାସ ପୂର୍ବରୁ ଦୁହିଁଙ୍କ ମଧ୍ୟରେ ଫୋନ ଯୋଗେ ବାର୍ତ୍ତାଳାପ ଆରମ୍ଭ ହୋଇଥିଲା । ଗତ ଡିସେମ୍ବର ୮ ତାରିଖରେ ଯୁବକ ଓ ଯୁବତୀ ଉଭୟ ଘରୁ ଫେରାର ହୋଇଯାଇଥିଲେ । ଏହାପରେ ସେମାନେ ମୁମ୍ବାଇରେ ରହିଥିଲେ । ଏହାପରେ ନାବାଳିକଙ୍କ ପରିବାର କୋତବାଲି ଥାନାରେ ନିଖୋଜ ମାମଲା ରୁଜୁ କରିଥିଲେ । ଏହାପରେ ଯୁବକ ଜଣକ ମୁମ୍ବାଇରେ ରହୁଥିବା ନେଇ ନିଜ ପରିବାରକୁ ସୂଚନା ଦେଇଥିଲେ । ଏହାପରେ ସେମାନେ ଗତ ଡିସେମ୍ବର ୧୬ ତାରିଖରେ ପ୍ରତାପଗଡ଼କୁ ଫେରିଥିଲେ ।