ଚଣ୍ଡିଗଡ଼:ପଞ୍ଜାବର ଲୁଧିଆନାରେ ପୋଲିସ ଗାଡ଼ିକୁ ଚୋରି କରିଛି ଚୋର । ଏଠାରେ ଚୋରି ଡକାୟତି ବୃଦ୍ଧି ପାଇଥିବା ବେଳେ ଶେଷରେ ଚୋର ପୋଲିସକୁ ମଧ୍ୟ ଛାଡ଼ିନାହାନ୍ତି । ଲୁଧିଆନା ସୁଟଲେଜ କ୍ଲବରେ ନିର୍ବାଚନ ଚାଲିଥିବା ବେଳେ କେହି ଦୁର୍ବୃତ୍ତ ଏଏସଆଇ ଗୁରୁଦେବ ସିଂଙ୍କ ବାଇକ୍ ଚୋରି କରିନେଇଛି (Police bike stolen in Ludhiana) । ତେବେ ପୋଲିସ ଉକ୍ତ ଚୋରକୁ ଖୋଜିବା ଲାଗି ପ୍ରୟାସ ଆରମ୍ଭ କରିଛି ।
ଏନେଇ ଏଏସଆଇ ଗୁରୁଦେବ ସିଂ (ASI Gurdev Singh) କହିଛନ୍ତି ଯେ ସେ ଡ୍ୟୁଟିରେ ଥିବା ତାଙ୍କ ବାଇକ ଚୋରି ହୋଇଛି । କ୍ଲବରେ ନିର୍ବାଚନ (Election in Sutlej Club in Ludhiana) ଚାଲିଥିବାରୁ ସେଠାରେ ତାଙ୍କର ଡ୍ୟୁଟି ଥିଲା । ଡ୍ୟୁଟି ସରିବା ପରେ ସେ ବାହାରକୁ ଆସିବା ପରେ ତାଙ୍କ ବାଇକ ମିଳିନଥିଲା । ଏହାପରେ ସେ ଆଖପାଖରେ ଖୋଜାଖୋଜି ମଧ୍ୟ କରିଥିଲେ । ମାତ୍ର ନିରାଶ ହେବା ପରେ ସେ ଚାଲି ଚାଲି ନିଜ ଘରକୁ ଯାଇଥିବା ଜଣାପଡ଼ିଛି ।