ଅଭିଯୁକ୍ତକୁ ଧରିବାକୁ ଯାଇଥିଲେ ଦିଲ୍ଲୀ, ରାଜସ୍ଥାନରେ ଜିପ ଓଲଟି 4 ଗୁଜୁରାଟ ପୋଲିସକର୍ମୀ ମୃତ

ମର୍ମନ୍ତୁଦ ସଡ଼କ ଦୁର୍ଘଟଣାରେ 5 ଜଣଙ୍କ ମୃତ୍ୟୁ। ଜୟପୁରର ଭବରୁ ଅଞ୍ଚଳରେ ଗୁଜୁରାଟ ପୋଲିସ ଭ୍ୟାନ ଦୁର୍ଘଟଣାଗ୍ରସ୍ତ ହୋଇଛି। ଅଧିକ ପଢ଼ନ୍ତୁ

ଜୟପୁର: ମର୍ମନ୍ତୁଦ ସଡ଼କ ଦୁର୍ଘଟଣାରେ 5 ଜଣଙ୍କ ମୃତ୍ୟୁ । ଜୟପୁରର ଭବରୁ ଅଞ୍ଚଳରେ ଗୁଜୁରାଟ ପୋଲିସ ଭ୍ୟାନଟି ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ 4 ଜଣ ପୋଲିସ ସମେତ ଜଣେ ଅଭିଯୁକ୍ତର ମୃତ୍ୟୁ ଘଟିଥିବା ରାଜସ୍ଥାନ ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି।

ସୂଚନା ଅନୁଯାୟୀ, ଗୁଜୁରାଟ ପୋଲିସ ଏକ ଅଭିଯୁକ୍ତକୁ ନେଇ ଦିଲ୍ଲୀରୁ ଗୁଜୁରାଟ ଅଭିମୁଖେ ଆସୁଥିଲେ। ତେବେ ଜୟପୁରର ଭବରୁ ଅଞ୍ଚଳରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିଲା। ଯାହା ଫଳରେ ଭ୍ୟାନରେ ଥିବା 5 ଜଣଙ୍କ ମୃତ୍ୟୁ ଘଟିଛି।

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଟ୍ବିଟରେ ସୂଚନା ଦେବା ସହ ଘଟଣାରେ ଶୋକପ୍ରକାଶ କରିଛନ୍ତି । ସେ କହିଛନ୍ତି ଯେ, "ଜୟପୁରର ଭବରୁ ଅଞ୍ଚଳରେ ହୋଇଥିବା ସଡ଼କ ଦୁର୍ଘଟଣାରେ 4 ପୋଲିସ କର୍ମଚାରୀଙ୍କ ସମେତ 5 ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ମୁଁ ମର୍ମାହତ। ମୃତକଙ୍କ ପରିବାରକୁ ମୋର ଗଭୀର ସମବେଦନା ଜଣାଉଛି। ମୃତକଙ୍କ ଆତ୍ମାର ସତଗତି ହେଉ"।

@ANI