ନୂଆଦିଲ୍ଲୀ: ସିଏଏ ଓ ଏନଆରସି ଆନ୍ଦୋଳନ ସମୟରେ ସବୁଠୁ ଚର୍ଚିତ ଚେହେରା ଶାହୀନବାଗ ଦାଦି ବିଲ୍କିସ ବାନୋ ଏବେ ଚାଷୀ ଆନ୍ଦୋଳନରେ ହୋଇଛନ୍ତି ସାମିଲ । ହେଲେ ସିଏଏ ପ୍ରଦର୍ଶନ ଭଳି ଏହି ଆନ୍ଦୋଳନ ଯେପରି ଆଗକୁ ହିଂସାର ରୂପ ନନେଉ, ଏଥିପାଇଁ ସିଂଘୁ ସୀମାରୁ ଶାହୀନବାଗର ଏହି ଦାଦିଙ୍କୁ ଉଠାଇନେଇଛି ଦିଲ୍ଲୀ ପୋଲିସ ।
ମଙ୍ଗଳବାର ଚାଷୀ ଆନ୍ଦୋଳନରେ ସାମିଲ ହେବାକୁ ସିଂଘୁ ସୀମାରେ ପହଞ୍ଚିଥିଲେ ଶାହୀନବାଗ ଦାଦି ବିଲ୍କିସ ବାନୋ । ହେଲେ ଏଠାରେ ତାଙ୍କୁ ଦିଲ୍ଲୀ ପୋଲିସ ଗିରଫ କରିନେଇଥିବା ଜଣାପଡିଛି । ସୋମବାର ରାତିରେ ଦାଦିଙ୍କର ଏକ ଭିଡିଓ ଭାଇରାଲ ହେବାରେ ଲାଗିଥିଲା । ଭିଡିଓରେ ଦାଦି ଚାଷୀଙ୍କ ପ୍ରଦର୍ଶନସ୍ଥଳୀରେ ନଜର ଆସିଥିଲେ । ହେଲେ ପରେ ଏହି ଭିଡିଓ ନକଲି ଥିବା ଜଣାପଡିଛି ।