ଲକ୍ଷ୍ନୌ: ଉତ୍ତରପ୍ରଦେଶ ଆଲିଗଡ଼ ଜିଲ୍ଲା ରୋରାୱର ଅଞ୍ଚଳରେ ଅଭାନୀୟ ଘଟଣା । ବର୍ବରତାର ସୀମା ଟପିଲା ଅଭିଯୁକ୍ତ । ଏନେଇ ଏକ ଭିଡିଓ ସାମ୍ନାକୁ ଆସିଥିବା ବେଳେ ଏହା ନିଷ୍ଠୁରତାର କାହାଣୀ ବଖାଣିଛି । ଅଭିଯୁକ୍ତ ଜଣକ ନିଜ ପତ୍ନୀକୁ ମାରପିଟ କରୁଥିବା ସହ ଅଇଁଠା ଚଟାଇବା ଲାଗି ବାଧ୍ୟ କରୁଥିବା ବେଳେ ନିଜ ଝିଅକୁ କରୁଥିଲା ଦୁଷ୍କର୍ମ । ପୋଲିସ ଏହି ମାମଲାର ଅଭିଯୁକ୍ତ ସ୍ବାମୀକୁ ଗିରଫ କରିଛି ।
ମିଳିଥିବା ସୂଚନା ଅନୁସାରେ ପୀଡ଼ିତ ମହିଳା ଓ ଅଭିଯୁକ୍ତର ଏକ ଅଡିଓ ଭାଇରାଲ ହୋଇଥିଲା । ଏଥିରେ ପୀଡ଼ିତା ମହିଳା ଜଣକ ଅନ୍ୟ ଜଣେ ମହିଳାଙ୍କୁ ତାଙ୍କ ସ୍ବାମୀକୁ ହତ୍ୟା କରିବା ଲାଗି କହୁଥିଲେ । ତାଙ୍କ ସ୍ବାମୀ ଝିଅକୁ ଦୁଷ୍କର୍ମ କରୁଥିବାରୁ ଏପରି କରିବା ଲାଗି ସେ କହୁଥିଲେ । ଏହାପରେ ଏହି ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଥିଲା । ଏଥିରେ ଅଭିଯୁକ୍ତ ଜଣକ ନିଜ ପତ୍ନୀ ଓ ଝିଅକୁ ନିଷ୍ଠୁରତାର ସହ ମାରପିଟ କରୁଥିବା ଦେଖିବାକୁ ମିଳିଥିଲା । ଏହାସହିତ ନାବାଳିକା ଝିଅ ସହିତ ଅଶ୍ଳୀଳ ବ୍ୟବହାର ଓ ନିଜ ପତ୍ନୀକୁ ଅଇଁଠା ଚାଟିବା ଲାଗି ବାଧ୍ୟ କରୁଥିବା ଦେଖିବାକୁ ମିଳିଥିଲା ।
ଏହା ବି ପଢନ୍ତୁ- ଜନ୍ମକଲା ଝିଅକୁ ଦୁଷ୍କର୍ମ କରୁଥିଲା ବାପା; ଗୁଳି କରି ହତ୍ୟା କଲେ ପୀଡିତା