ନୂଆଦିଲ୍ଲୀ: ୟୁକ୍ରେନ ଉପରେ ଘନ ଘନ ଆକ୍ରମଣ କରି ଚାଲିଛି ଋଷ । ସ୍ଥିତି ସୁଧୁରିବାରେ ନାଁ ନେଉନାହିଁ । ଏହି ପରିପ୍ରେକ୍ଷୀରେ ୟୁକ୍ରେନରେ ଚାଲିଥିବା ବିପଦକୁ ନେଇ ଭାରତର ସୁରକ୍ଷା ପ୍ରସ୍ତୁତି ତଥା ବିଶ୍ବର ପରିସ୍ଥିତିକୁ ସମୀକ୍ଷା କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଉଚ୍ଚ ସ୍ତରୀୟ ବୈଠକର ସମୀକ୍ଷା କରିଛନ୍ତି ।
ପୂର୍ବରୁ ପିଏମ ନରେନ୍ଦ୍ର ମୋଦି ଅପରେସନ ଗଙ୍ଗା ଜରିଆରେ ଭାରତୀୟଙ୍କୁ ଫେରାଇ ଅଣାଯିବାକୁ ନେଇ ଅନେକ ସମୀକ୍ଷା ବୈଠକ କରିଛନ୍ତି । କେନ୍ଦ୍ର ସରକାର ଫେବୃଆରୀ ୨୪ରେ ଅପରେସନ ଗଙ୍ଗା ଜରିଆରେ ୟୁକ୍ରେନରେ ଫସିଥିବା ଭାରତୀୟଙ୍କୁ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବର୍ତ୍ତମାନ ସୁଦ୍ଧା ୮୦ଟି ସ୍ବତନ୍ତ୍ର ସ୍ଥାନାନ୍ତରଣ ପ୍ରକ୍ରିୟାରେ ୨୦ ହଜାର ଭାରତୀୟ ସ୍ବଦେଶ ଫେରିଛନ୍ତି । ପିଏମ ମୋଦି ୟୁକ୍ରେନ ପଡୋଶୀ ଦେଶମାନଙ୍କ ସହ ସ୍ଥାନାନ୍ତରଣ କାର୍ଯ୍ୟ ପାଇଁ ଯୋଗାଯୋଗ କରିଥିଲେ ।