ନୂଆଦିଲ୍ଲୀ: ଚୀନର ହାଙ୍ଗଝୁରେ ଆୟୋଜିତ ଏସିଆନ ଗେମ୍ସ 2022ରେ ଭାରତୀୟ ମହିଳା କ୍ରିକେଟ ଟିମକୁ ସ୍ବର୍ଣ୍ଣ । ଶ୍ରୀଲଙ୍କାକୁ ହରାଇ 19 ରନରେ ହରାଇ ଫାଇନାଲରେ ସ୍ବର୍ଣ୍ଣ ପଦକ ହାସଲ କରିଛି ଭାରତୀୟ ମହିଳା କ୍ରିକେଟ ଟିମ । ଏହାପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟିମକୁ ଶୁଭେଚ୍ଛା ଜଣାଇବା ସହ ବେଶ ପ୍ରଶଂସା କରିଛନ୍ତି । ଆମର ଦେଶର ଝିଅମାନେ ଦେଶର ଜାତୀୟ ପତାକା ତ୍ରିରଙ୍ଗାକୁ କ୍ରମାଗତ ଭାବେ ନିଜ ପ୍ରତିଭା ମାଧ୍ୟମରେ ଉଚ୍ଚ ସ୍ତରରେ ପହଞ୍ଚାଉଥିବା ମୋଦି କହିଛନ୍ତି ।
ଭାରତୀୟ ମହିଳା କ୍ରିକେଟ ଟିମର ଏହି ଐତିହାସିକ ବିଜୟ ପରେ ପ୍ରଧାନମନ୍ତ୍ରୀ କହିଛନ୍ତି," ଏସିଆନ୍ ଗେମ୍ସରେ ମହିଳା କ୍ରିକେଟ୍ ଟିମ ସ୍ବର୍ଣ୍ଣ ହାସଲ କରିଛି । ଏହା ଅତ୍ୟନ୍ତ ରୋମାଞ୍ଚକର ମ୍ୟାଚ୍ ରହିଥିଲା । ମହିଳା କ୍ରିକେଟ ଟିମର ଏହି ଅବିଶ୍ବସନୀୟ ସଫଳତା ଲାଗି ସାରା ଦେଶ ଆନନ୍ଦିତ ଓ ଗର୍ବିତ । ଆମ ଦେଶର ଝିଅମାନେ ସେମାନଙ୍କ ପ୍ରତିଭା, ଗ୍ରୀଟ୍, କୌଶଳ ଏବଂ ଦଳଗତ କାର୍ଯ୍ୟ ସହିତ କ୍ରୀଡା କ୍ଷେତ୍ରରେ ମଧ୍ୟ ତ୍ରିରଙ୍ଗାକୁ ସାରା ବିଶ୍ବରେ ଉଚ୍ଚ ସ୍ତରରେ ରଖୁଛନ୍ତି । ମହିଳା କ୍ରିକେଟ ଟିମର ଏହି ମହାନ ବିଜୟ ଲାଗି ସେମାନଙ୍କୁ ଅଭିନନ୍ଦନ ।"
ଏହା ବି ପଢନ୍ତୁ- Asian Games: ଭାରତୀୟ ମହିଳା କ୍ରିକେଟ ଟିମକୁ ସ୍ୱର୍ଣ୍ଣ, ଛୁଟିଲା ଶୁଭେଚ୍ଛା