ପବିତ୍ର ରାମନବମୀରେ କୋଭିଡ ମର୍ଯ୍ୟାଦା ପାଳନ ପାଇଁ ପ୍ରଧାନମନ୍ତ୍ରୀଙ୍କ ନିବେଦନ

ଆଜି ମର୍ଯ୍ୟାଦା ପୁରୁଷ ଶ୍ରୀ ପୁରୁଷୋତ୍ତମଙ୍କ ଜନ୍ମୋତ୍ସବ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଶୁଭେଚ୍ଛା ଜଣାଇବା ସହ କୋଭିଡ ନିୟମ ପାଳନ କରିବାକୁ କହିଛନ୍ତି ।

ନୂଆଦିଲ୍ଲୀ: ଆଜି ପବିତ୍ର ରାମନବମୀ । ମର୍ଯ୍ୟାଦା ପୁରୁଷ ଶ୍ରୀ ପୁରୁଷୋତ୍ତମଙ୍କ ଜନ୍ମୋତ୍ସବ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ପ୍ରଭୁଙ୍କ କୃପା ଦେଶବାସୀଙ୍କ ଉପରେ ରହିଥାଉ ବୋଲି କାମନା କରି ଶ୍ରୀ ପ୍ରଭୁ ରାମଚନ୍ଦ୍ର ସମସ୍ତଙ୍କୁ କୋଭିଡ ମର୍ଯ୍ୟାଦା(ନିୟମ)କୁ ପାଳନ କରିବାକୁ ସନ୍ଦେଶ ଦେଇଛନ୍ତି ବୋଲି କହିଛନ୍ତି ମୋଦି ।

ପ୍ରଧାନମନ୍ତ୍ରୀ ଟ୍ବିଟ କରି କହିଛନ୍ତି, କୋରୋନା ସଂକ୍ରମଣକୁ ହରେଇବାକୁ ହେଲେ ଦୟାକରି ସମସ୍ତଙ୍କୁ କଟକଣା ପାଳନ କରିବାକୁ ହେବ । ଆଉ ମନେ ରଖିବା ଉଚିତ ଦବାଇ ଓ କଢାଇ ବି ଜରୁରୀ ।

ସୂଚନାଯୋଗ୍ୟ, କୋରୋନା ସଂକ୍ରମଣକୁ ବଢୁଥିବାରୁ କେବଳ ପରମ୍ପରା ଅନୁସାରେ, ପୂଜାପାଠ ସହ ଧାର୍ମିକ ନୀତିକାନ୍ତି କରାଯାଉଛି ।ଅଯୋଧ୍ୟାରେ ମଧ୍ୟ କଟକଣାରେ ପାଳନ ହେଉଛି ନବମୀ । କୋଭିଡ ନେଗେଟିଭ ବ୍ୟକ୍ତିଙ୍କୁ ମନ୍ଦିର ଭିତରକୁ ଅନୁମତି ଦିଆଯାଇଛି ।