G7 ସମ୍ମିଳନୀରେ ଯୋଗ ଦେବାପରେ ଦୁବାଇ ଗସ୍ତ କଲେ PM ମୋଦି

ଜର୍ମାନୀରେ G7 ସମ୍ମିଳନୀରେ ଯୋଗ ଦେବାପରେ ମଙ୍ଗଳବାର ଦୁବାଇ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅଧିକ ପଢ଼ନ୍ତୁ

ହାଇଦ୍ରାବାଦ: ଜର୍ମାନୀରେ G7 ସମ୍ମିଳନୀରେ ଯୋଗ ଦେବାପରେ ମଙ୍ଗଳବାର ଦୁବାଇ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଜର୍ମାନୀରେ G7 ସମ୍ମିଳନୀରେ ଯୋଗଦେବା ସହ ଏକ ସଦଭାବନା କାର୍ଯ୍ୟକ୍ରମରେ ଯୋଗ ଦେଇଥିଲେ ପ୍ରଧାନମନ୍ତ୍ରୀ । ଦୁଇଦିନିଆ ଜର୍ମାନୀ ଗସ୍ତ ଶେଷ କରିବା ପରେ ସେ ଦୁବାଇ ଗସ୍ତ କରିଛନ୍ତି ।

ଦୁବାଇର ପୂର୍ବତନ ରାଷ୍ଟ୍ରପତି ତଥା ଆବୁଧାବି ଶାସକ ଶେଖ୍‌ ବିନ୍‌ ଜାୟଦ ଆଲ୍‌ ନାୟନ୍‌ଙ୍କ ଶୋକସଭାରେ ଯୋଗ ଦେବେ ମୋଦି । 2004 ନଭେମ୍ବର ୩ ତାରିଖରୁ ୨୦୨୨ ମେ ମାସ ପର୍ଯ୍ୟନ୍ତ ରାଷ୍ଟ୍ରପତି ଦାୟିତ୍ବରେ ଥିଲେ ଗତ ମେ ୧୩ ତାରିଖରେ ୭୩ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା ।

ଏହାପୂର୍ବରୁ ଗତ ସୋମବାର G7 ସମ୍ମିଳନୀରେ ଯୋଗ ଦେଇଥିଲେ ପ୍ରଧାନମନ୍ତ୍ରୀ ମୋଦି । ଏହି ଅବସରରେ ସେ ଭାରତରେ ସବୁଜୀକରଣ, ଶକ୍ତି, ଜୀବନଶୈଳୀ, ବିଶ୍ବର ସୁସ୍ଥ ସ୍ବାସ୍ଥ୍ୟକୁ ନେଇ ସମ୍ୟକ ଆଲୋଚନା କରିଥିଲେ । ଏହାକୁ ନେଇ ଟ୍ବିଟ୍‌ କରି ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।