ରାଞ୍ଚି: ଆଜି (ମଙ୍ଗଳବାର) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଝାଡଖଣ୍ଡ କରିଛନ୍ତି । ଝାଡଖଣ୍ଡ ଦେଓଘରରେ 16 ହଜାର କୋଟିର ପ୍ରକଳ୍ପ ଭେଟି ଦେଇଛନ୍ତି ପ୍ରଧାନମନ୍ତ୍ରୀ । ଏହାସହ ରାଞ୍ଚି ରେଳ ଷ୍ଟେସନ ପ୍ରକଳ୍ପ ଓ ଦେଓଘର AIIMSର ଉଦଘାଟନ କରିଛନ୍ତି । ସନ୍ଧ୍ୟାରେ ବିହାର ଗସ୍ତ କରିବେ ପ୍ରଧାନମନ୍ତ୍ରୀ । ବିହାରର ରାଜଧାନୀ ପାଟନାରେ ବିଧାନସଭା କମ୍ପ୍ଲେକ୍ସ ନିର୍ମାଣର ଶହେ ବର୍ଷ ପୂର୍ତ୍ତି ଅବସରରେ ଆୟୋଜିତ କାର୍ଯ୍ୟକ୍ରମରେ ପିଏମ ମୋଦି ଅଂଶଗ୍ରହଣ କରିବେ ।
ବିଭିନ୍ନ ବିକାଶମୂଳକ ପ୍ରକଳ୍ପ ଓ 400 କୋଟି ଖର୍ଚ୍ଚରେଦେଓଘର ବିମାନ ବନ୍ଦରର ଲୋକାର୍ପଣ କରିଛନ୍ତି ମୋଦି । ଏହାପରେ ଏକ ରୋଡ୍ ସୋ' ପରେ ସାଧାରଣ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ଏହାପରେ ପ୍ରଧାନମନ୍ତ୍ରୀ ମୋଦି ବାବା ବୈଦ୍ୟନାଥଙ୍କ ମନ୍ଦିରକୁ ଯାଇ ଦର୍ଶନ କରିବେ ଓ ପୂଜା କରିବାର କାର୍ଯ୍ୟକ୍ରମ ରହିିଛି । ମୋଦିଙ୍କ ଗସ୍ତକୁ ନେଇ ଦେଓଘର ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଝାଡଖଣ୍ଡକୁ ଭେଟି ଦେଇଥିବା ଏହି ନୂଆ ପ୍ରକଳ୍ପ ଭିତ୍ତିଭୂମି ବିକାଶକୁ ଦୁଇପାଦ ଆଗକୁ ନେବ । ଅଞ୍ଚଳରେ ସାମାଜିକ ଅର୍ଥନୀତି ସୁଧୁରିବ। ବାଣିଜ୍ୟ ଏବଂ ସଂଯୋଗକୁ ସୃଦୁଢ କରିବ ବୋଲି କହିଛନ୍ତି ପ୍ରଧାନମନ୍ତ୍ରୀ ।