ନୂଆଦିଲ୍ଲୀ:ମହାନ ସ୍ବାଧୀନତା ସଂଗ୍ରାମୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜୟନ୍ତୀରେ ଇଣ୍ଡିଆ ଗେଟରେ ଉନ୍ମୋଚିତ ହେଲା ନେତାଜୀଙ୍କ ହୋଲଗ୍ରାମ ପ୍ରତିମୂର୍ତ୍ତି । ଆଜି ସଂନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉନ୍ମୋଚିତ କରିଛନ୍ତି । ଗ୍ରାନାଇଟରେ ନିର୍ମିତ ହେବାକୁ ଥିବା ନେତାଜୀଙ୍କ ପ୍ରତିମୂର୍ତ୍ତିିର ନିର୍ମାଣ କାର୍ଯ୍ୟ ଶେଷ ହେବା ଯାଏ ଇଣ୍ଡିଆ ଗେଟରେ ଏହି ହୋଲୋଗ୍ରାମ ପ୍ରତିମୂର୍ତ୍ତି ସ୍ଥାନିତ ହୋଇ ରହିବ ।
ପ୍ରତିମୂର୍ତ୍ତି ଉନ୍ମୋଚନ ପରେ ସମ୍ବୋଧନରେ ପ୍ରଧାନମନ୍ତ୍ରୀ କହିଛନ୍ତି, ନେତାଜୀଙ୍କ ମହାନ ପ୍ରତିମୂର୍ତ୍ତି ଭବିଷ୍ୟତ ପିଢିକୁ ଗଣତାନ୍ତ୍ରିକ ମୂଲ୍ୟବୋଧର ପ୍ରେରଣା ଯୋଗାଇବ । ପ୍ରବଳ ପରାକ୍ରମୀ ବ୍ରିଟିଶର ମଧ୍ୟ ନେତାଜୀଙ୍କୁ ରୋକିବାରେ ସଫଳ ହୋଇପାରି ନଥିଲେ । ନେତାଜୀଙ୍କ ପରାକ୍ରମ ଇଂରେଜମାନଙ୍କୁ ମଧ୍ୟ ଭୟଭୀତ କରିଥିଲା । ନେତାଜୀଙ୍କ ସେହି ଅବଦାନ ଅଦମ୍ୟ ସାହସ ପ୍ରତ୍ୟେକ ଭାରତୀୟ ପିଢିକୁ ଅନୁପ୍ରାଣିତ କରିବ ।