ମୁମ୍ବାଇ:ଆଜି(ଶୁକ୍ରବାର) ସକାଳେ ମହାରାଷ୍ଟ୍ର ଗସ୍ତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 2 ହଜାର କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ କରିବା ସହିତ ଜନସଭାକୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ । ପ୍ରକଳ୍ପର ଉଦଘାଟନ କରିବା ସହିତ ସୋଲାପୁରରେ ପ୍ରଧାନମନ୍ତ୍ରୀ ଆବାସ ଯୋଜନାର ଲାଭାର୍ଥୀଙ୍କୁ ଘର ଚାବି ପ୍ରଦାନ କରିଥିଲେ । ଏହି ସମୟରେ ଭାବବିହ୍ବଳ ହେଲେ ପ୍ରଧାନମନ୍ତ୍ରୀ ମୋଦି ।
ମୋଦି ଜନସଭାକୁ ସମ୍ବୋଧିତ କରି କହିଲେ, "ସୋଲାପୁରର ହଜାର ହଜାର ଗରିବ ଏବଂ ଶ୍ରମିକମାନଙ୍କୁ ଦେଇଥିବା ପ୍ରତିଶୃତି ଆଜି ପୂରଣ ହୋଇଛି । ଏଥିପାଇଁ ମୁଁ ବହୁତ ଖୁସି । ପ୍ରଧାନମନ୍ତ୍ରୀ ଆବାସ ଯୋଜନା ଅଧିନରେ ନିର୍ମିତ ସବୁଠାରୁ ବଡ ସୋସାଇଟିର ଲୋକାର୍ପଣ କରାଯାଇଛି । ମୋତେ ଦେଖିବା ପରେ ବହୁତ ଖୁସି ଲାଗିଲା । ଏହାପରେ ମୁଁ ଭାବିଲି ଖାସ୍ ମତେ ମଧ୍ୟ ପିଲାଦିନେ ଏଭଳି ଏକ ଘର ମିଳିଥାଆନ୍ତା !"
ତମ୍ବୁରେ ଦର୍ଶନ କରିବାର ପିଢି ଶେଷ ହେବାକୁ ଯାଉଛି:ଆସନ୍ତା 22 ତାରିଖରେ ମର୍ଯ୍ୟାଦା ପୁରୁଷ ରାମଲାଲାଙ୍କର ପ୍ରାଣ ପ୍ରତିଷ୍ଠା ଉତ୍ସବ ଆୟୋଜିତ ହେବାକୁ ଥିବା ବେଳେ ସୋଲାପୁରରେ ମଧ୍ୟ ରାମ ମନ୍ଦିର ଉଦଘାଟନ ବିଷୟରେ କହିଛନ୍ତି ପ୍ରଧାନମନ୍ତ୍ରୀ । ମୋଦି କହିଛନ୍ତି, "ତମ୍ବୁରେ ଆମର ପ୍ରିୟ ରାମଲାଲା ଦର୍ଶନ କରିବାର ପିଢି ବର୍ତ୍ତମାନ ଶେଷ ହେବାକୁ ଯାଉଛି । ଏହା ଆମ ସମସ୍ତଙ୍କ ପାଇଁ ଭକ୍ତି ସମୟ । ମୋର ଏହି ଅନୁଷ୍ଠାନର ଆରମ୍ଭ ନାଶିକକୁ ହୋଇଛି ଏହା ଏକ ପ୍ରକାର ସଙ୍କେତ ଅଟେ । ଆଜି ଅନେକ ପରିବାରର ଗୃହପ୍ରବେଶ ହୋଇଛି । ଜାନୁଆରୀ 22 ତାରିଖ ଏକ ପ୍ରକାର ଐତିହାସିକ ମୁହୂର୍ତ୍ତ ଅଟେ । ଏହି ଦିନ ସମସ୍ତ ଭାରତୀୟ ରାମ ଜ୍ୟୋତି ଜଳାଇବେ । ଉକ୍ତ ଦିନ ସମଗ୍ର ଭାରତ ଆଲୋକିତ ହେବ ଏବଂ ସମସ୍ତଙ୍କ ଠାରୁ ଦାରିଦ୍ର୍ୟ ଦୂର ହେବ । "