ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଜନଔଷଧି ଦିବସ କାର୍ଯ୍ୟକ୍ରମକୁ ସମ୍ବୋଧିତ କରିବେ । ଏହା ସହିତ ସିଲଂରେ 7500ତମ ଜନଔଷଧି କେନ୍ଦ୍ରକୁ (ଏନଇଆଇଜିଆରଆଇଏଚଏମଏସ)କୁ ଦେଶ ପାଇଁ ଉତ୍ସର୍ଗ କରିବେ ପ୍ରଧାନମନ୍ତ୍ରୀ ମୋଦି । ଭିଡିଓ କନଫରେନ୍ସଂ ଜରିଆରେ ସମୟ 10ଟାରେ ଏହି କାର୍ଯ୍ୟକ୍ରମ ହେବ ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।
ଏହା ସହିତ ପ୍ରଧାନମନ୍ତ୍ରୀ ଭାରତୀୟ ଜନଔଷଧି ପରିଯୋଜନାର ହିତାଧିକାରୀଙ୍କ ସହିତ ଆଲୋଚନା କରିବା ସହିତ ଷ୍ଟକହୋଲ୍ଡର ମାନଙ୍କ ଉକୃଷ୍ଟ କାର୍ଯ୍ୟ ପାଇଁ ସେମାନଙ୍କୁ ପୁରସ୍କୃତ କରିବେ ମୋଦି । ପ୍ରଧାନମନ୍ତ୍ରୀ ଭାରତୀୟ ଜନଔଷଧି ପରିଯୋଜନାରେ ଲୋକମାନଙ୍କ ଉପଯୁକ୍ତ ମୂଲ୍ୟରେ ଭଲ ଔଷଧ ଯୋଗାଇ ଦେବା ଏହି ଯୋଜନାର ମୁଖ୍ୟ ଲକ୍ଷ୍ୟ । ଏହି ଯୋଜନା ଅଧିନରେ ଦେଶର ସମସ୍ତ ଜିଲ୍ଲାରେ 7499ଟି କେନ୍ଦ୍ର ରହିଛି ।