ନୂଆଦିଲ୍ଲୀ: ଆଜି (ଶୁକ୍ରବାର) ପ୍ରଧାନମନ୍ତ୍ରୀଙ୍କ 'ପରୀକ୍ଷା ପେ ଚର୍ଚ୍ଚା' କାର୍ଯ୍ୟକ୍ରମ ଅନୁଷ୍ଠିତ ହେବ । ଦେଶର ଛାତ୍ରଛାତ୍ରୀ, ଶିକ୍ଷକ ଓ ଅବିଭାବକଙ୍କୁ ପରୀକ୍ଷା ବିଷୟରେ ପରାମର୍ଶ ଦେବେ ମୋଦି । ଛାତ୍ରଛାତ୍ରୀମାନେ ସିଧାସଳଖ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବେ ।
ନୂଆଦିଲ୍ଲୀ ତାଲକଟୋରା ଷ୍ଟାଡିୟମରେ 'ପରୀକ୍ଷା ପେ ଚର୍ଚ୍ଚା' କାର୍ଯ୍ୟକ୍ରମର ପଞ୍ଚମ ସଂସ୍କରଣ ଆଜି 11ଟା ସମୟରେ ଆରମ୍ଭ ହେବ। ଏହି କାର୍ଯ୍ୟକ୍ରମରେ 9ମରୁ 12ଦଶ ଶ୍ରେଣୀର ପ୍ରାୟ ଏକ ହଜାର ଛାତ୍ରଛାତ୍ରୀ ସାମିଲ ହେବେ । ପରୀକ୍ଷା ସହ ଜଡିତ ସମସ୍ତ ବିଷୟ ତଥା ଚାପମୁକ୍ତ ପରୀକ୍ଷା ହେବା ପାଇଁ ପ୍ରଧାନମନ୍ତ୍ରୀ ପରାମର୍ଶ ଦେବେ ।
କୋରୋନା କଟକଣା ଯୋଗୁଁ ଗତ ବର୍ଷ ଅନଲାଇନ ମୋଡରେ ଆୟୋଜନ ହୋଇଥିଲା । ହେଲେ ସଂକ୍ରମଣରେ ହ୍ରାସ ଘଟିବା ଯୋଗୁଁ ପୂର୍ବଭଳି ପୁନଃ ସିଧାରଳଖ ମୋଦିଙ୍କ ସହ କଥା ହୋଇପାରିବେ ଛାତ୍ରଛାତ୍ରୀ । ଗତ ଗୁରୁବାର ଛାତ୍ରଛାତ୍ରୀ ଓ ଅଭିଭାବକଙ୍କ ପାଇଁ କିଛି ଟିପ୍ସ ଥିବା ଭିଡିଓ ପ୍ରଧାନମନ୍ତ୍ରୀଙ୍କ ୟୁଟ୍ୟୁବ ଚ୍ୟାନେଲରେ ସେୟାର କରାଯାଇଛି । ଏହି ଭିଡିଓ ଗୁଡ଼ିକରେ ଛାତ୍ରଛାତ୍ରୀଙ୍କ ଜୀବନ ଏବଂ ପରୀକ୍ଷା ସହ ଜଡିତ କିଛି ବିଷୟ ରହିଛି । ଏଥିରେ ମୋଦିଙ୍କ ପୂର୍ବ ବର୍ଷ ଗୁଡ଼ିକର 'ପରୀକ୍ଷା ପେ ଚର୍ଚ୍ଚା' କାର୍ଯ୍ୟକ୍ରମର କିଛି ଟିପ୍ସ ମଧ୍ୟ ରହି ଛି। କାର୍ଯ୍ୟକ୍ରମରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେବେ।
@ANI
