ନୂଆଦିଲ୍ଲୀ: ଆଜି (ସୋମବାର) ମତୁଆ ଧର୍ମ ମହାମେଳାକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ମେଳା ଶ୍ରୀ ଶ୍ରୀ ହରିଚାନ୍ଦ ଠାକୁରଙ୍କ ୨୧୧ତମ ଜନ୍ମବାର୍ଷିକୀରେ ପଶ୍ଚିମବଙ୍ଗର ଶ୍ରୀଧାମ ଠାକୁନଗରରେ ଆୟୋଜିତ ହେବ । ଆଭାସି ଜରିଆରେ ମେଳାକୁ ସମ୍ବୋଧିତ କରିବେ ମୋଦି । ଅପରାହ୍ନ ୪ଟା ୩୦ରେ ଏହି ମେଳାର ଉଦଘାଟନ ହେବ ।
ଏହି ମେଳା ଅଲ ଇଣ୍ଡିଆ ମତୁଆ ମହାସଂଘଙ୍କ ଦ୍ବାରା ଆୟୋଜିତ ହୋଇଛି । ଏହା ଏପ୍ରିଲ ୫ ତାରିଖରେ ଶେଷ ହେବ । ଏହି ମେଳାକୁ ସମ୍ବୋଧିତ କରିବା ନେଇ ପ୍ରଧାନମନ୍ତ୍ରୀ କହିଛନ୍ତି ମୁଁ ଏହି ମେଳାକୁ ସମ୍ବୋଧିତ କରୁଥିବା ବେଶ ଖୁସି ଓ ଗର୍ବିତ ଅନୁଭବ କରୁଛି । ମହାନ ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କର ଜୟନ୍ତୀ ଯିଏ ସାମାଜିକ ନ୍ୟାୟ ଏବଂ ଜନ କଲ୍ୟାଣ ପାଇଁ ନିଜର ସମସ୍ତ ଜୀବନକୁ ଉତ୍ସର୍ଗ କରିଥିଲେ । ୨୦୧୯ ଫେବୃଆରୀରେ ଠାକୁରନଗର ପରିଦର୍ଶନ କରିବାର ସୁଯୋଗ ପାଇଥିଲି । ଏହା ଏପରି ଏକ ପରିଦର୍ଶନ ଯାହା ମୁଁ କେବେ ବି ଭୁଲି ପାରିବି ନାହିଁ । ବୋରୋ ମା ବୀଣାପାଣି ଠାକୁରଙ୍କ ଆଶୀର୍ବାଦ ପାଇବା ଅତ୍ୟନ୍ତ ସ୍ବତନ୍ତ୍ର ଥିଲା ବୋଲି କହିଛନ୍ତି ପ୍ରଧାନମନ୍ତ୍ରୀ ।