ନୂଆଦିଲ୍ଲୀ: ଆଜି ଜାତୀୟ ଇଞ୍ଜିନିୟର ଦିବସ ବା ଯନ୍ତ୍ରୀ ଦିବସ । ଏହି ଅବସରରେ ସମସ୍ତ ପରିଶ୍ରମୀ ଇଞ୍ଜିନିୟରଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଉନ୍ନତ ବୈଷୟିକ ଜ୍ଞାନ କୌଶଳରେ ସବୁ କିଛି ସୁନ୍ଦର କରିବାରେ ଇଞ୍ଜିନିୟରମାନଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଥିବା ଟ୍ବିଟ କରି କହିଛନ୍ତି ପ୍ରଧାନମନ୍ତ୍ରୀ ।
ଏହା ସହିତ ଉଲ୍ଲେଖନୀୟ ଅବଦାନ ପାଇଁ ଇଂ ଏମ ବିଶ୍ବେଶରାୟାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ମୋଦି । ଯାହାଙ୍କର ଜନ୍ମବାର୍ଷିକୀକୁ 'ଇଞ୍ଜିନିୟର୍ସ ଡେ' ଭାବରେ ପାଳନ କରାଯାଏ । ତାଙ୍କୁ ସମ୍ମାନ ଜଣାଇବା ପାଇଁ ଭାରତ ପ୍ରତ୍ୟେକ ବର୍ଷ ସେପ୍ଟେମ୍ବର 15 ରେ ଇଞ୍ଜିନିୟର୍ସ ଦିବସ ପାଳନ କରିଥାଏ । ତାଙ୍କର ସଫଳତାକୁ ଆଜି ସାରା ଦେଶ ମନେ ପକାଉଛି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି । ସେମାନଙ୍କ ଗୁରୁତ୍ବପୂର୍ଣ୍ଣ ଭୂମିକା ପାଇଁ କୌଣସି ଶଦ୍ଦ ଯଥେଷ୍ଟ ନୁହେଁ ବୋଲି କହିଛନ୍ତି ପ୍ରଧାନମନ୍ତ୍ରୀ ।