ନୂଆଦିଲ୍ଲୀ:ଆଣ୍ଡମାନ ନିକୋବର ପୋର୍ଟ ବ୍ଲାଏରରେ ବୀର ସାବରକର ଆନ୍ତର୍ଜାତୀୟ ବିମାନ ବନ୍ଦରରେ 707.73 କୋଟିରେ ନିର୍ମିତ ନୂଆ ଟର୍ମିନାଲ ବିଲ୍ଡିଂର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 40,837 ବର୍ଗ ମିଟର ଜାଗାରେ ଏହି ଟର୍ମିନାଲ ବିଲ୍ଡିଂ ତିଆରି ହୋଇଛି । ଏହି ଟର୍ମିନାଲରେ ଏକା ସମୟରେ 1200 ଯାତ୍ରୀ ଓ ବର୍ଷକୁ 40 ଲକ୍ଷ ଯାତ୍ରୀଙ୍କୁ ପରିଚାଳନା କରିବାର କ୍ଷମତା ରହିଛି । ଏହି ଟର୍ମିନାଲ ବିଲ୍ଡିଂ ଦ୍ବାରା ଯାତାୟତ ସହଜ ହେବ ଯୋଗାଯୋଗକୁ ସୃଦୁଢ଼ କରିବ ଏବଂଂ ବ୍ୟବସାୟ ମଧ୍ୟ ବଢ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ସହିତ ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ । ବେଙ୍ଗାଲୁରୁରେ ହୋଇଥିବା ବିରୋଧୀ ମହାମେଳିକୁ ସମାଲୋଚନା କରି ଦୁର୍ଦ୍ଦଶାର କାରଣ ହୋଇଥିବା ଦଳ ଦୋକାନ ଖୋଲିଥିବା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଏହା ବି ପଢନ୍ତୁ...PM Modi France visit: ଫ୍ରାନ୍ସରେ ପ୍ରଧାନମନ୍ତ୍ରୀଙ୍କ ସମ୍ବୋଧନ, ଭାରତର ପାସୱାର୍ଡ ପ୍ରବାସୀ
ବିରୋଧୀଙ୍କ ଉପରେ ବର୍ଷିଲେ: ବୀର ସାବରକର ଅନ୍ତର୍ଜାତୀୟ ବିମାନ ବନ୍ଦରରେ ନୂଆ ଟର୍ମିନାଲ ବିଲ୍ଡିଂର ଉଦଘାଟନ କରି ବିରୋଧୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ କହିଛନ୍ତି, "ଗଣତନ୍ତ୍ରରେ କୁହାଯାଏ ଲୋକଙ୍କ ପାଇଁ, ଲୋକଙ୍କ ଦ୍ବାରା ଓ ଲୋକଙ୍କର ମାତ୍ର କିଛି ପରିବାରବାଦୀଙ୍କ ମନ୍ତ୍ର ହେଉଛି ପରିବାର ପାଇଁ, ପରିବାରଙ୍କର ଓ ପରିବାରଙ୍କ ଦ୍ବାରା । ପରିବାର ପ୍ରଥମ ଦେଶ ପଛ । ଏହା ସେମାନଙ୍କ ଲକ୍ଷ୍ୟ । ଏମାନେ ଦେଶର ଲୋକତନ୍ତ୍ରଙ୍କୁ ଦେଶର ସମ୍ବିଧାନକୁ ବନ୍ଧକ କରିବାକୁ ଚାହାଁନ୍ତି । ପରିବାରବାଦ ନିଆଁରେ ଦେଶ ପୀଡ଼ିତ ହୋଇଛି । ସେମାନଙ୍କ ପାଇଁ ସେମାନଙ୍କ ପରିବାରର ସମୃଦ୍ଧି ହିଁ ଆଗ ଗରିବୀଙ୍କ ବିକାଶ ନୁହେଁ । 75 ବର୍ଷ ସ୍ବାଧୀନତାରେ ଭାରତ କେଉଁଠି ପହଞ୍ଚି ପାରିଥାନ୍ତା ଆମ ଭାରତୀୟ ସାମର୍ଥ୍ୟରେ କୌଣସି କମ କରି ନାହାନ୍ତି ମାତ୍ର ଭ୍ରଷ୍ଟାଚାରୀ ଓ ପରିବାରବାଦୀ ଦଳ ଅନ୍ୟାୟ କରିଛନ୍ତି । 2024ରେ ଆମେ ହିଁ ସରକାର ଗଢ଼ିବୁ ବୋଲି ଲୋକ ସ୍ଥିର କରି ସାରିଛନ୍ତି । ଦେଶର ଦୁର୍ଦ୍ଦଶାର କାରଣ ହୋଇଥିବା ଦଳ ଦୋକାନ ଖୋଲିଛନ୍ତି । 24 ପାଇଁ 26 ହେବାକୁ ଥିରା ରାଜନୈତିକ ଦଳ ପାଇଁ ଏହା ସମ୍ପୂର୍ଣ୍ଣ ଫିଟ୍ । ସେମାନେ ଦେଖାଉଛନ୍ତି ଗୋଟିଏ ମାତ୍ର ସତ୍ୟ କିଛି ଅଲଗା । ଲେବଲ ଅଲଗା ମାଲ ଅଲଗା । ସେମାନଙ୍କ ଦୋକାନର ଏହା ହିଁ ସତ୍ୟ । ଏମାନଙ୍କ ଦୋକାନରେ ଜାତିବାଦର ବିଷ ବିକ୍ରି ହେଉଛି ।"