ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର 'ସିଡନୀ ସମ୍ବାଦ' ଉଦଘାଟନୀ ସଂସ୍କରଣକୁ ସମ୍ବୋଧିତ କରି କହିଛନ୍ତି ଯେ ଡିଜିଟାଲ ଯୁଗ ଆମ ଚାରିପାଖରେ ସବୁକିଛି ବଦଳାଇ ଦେଇଛି । ଏହା ରାଜନୀତି, ଅର୍ଥନୀତି ଏବଂ ସମାଜକୁ ନୂଆ ରୂପରେ ପୁନଃ ବ୍ୟାଖ୍ୟା କରିଛି । ସାର୍ବଭୌମତ୍ବ, ଶାସନ, ନୈତିକତା, ଆଇନ, ଅଧିକାର ଏବଂ ନିରାପତ୍ତା ଉପରେ ନୂତନ ପ୍ରଶ୍ନ ସୃଷ୍ଟି କରିଛି । ତେବେ ଏହାଦ୍ବାରା ଅନ୍ତର୍ଜାତୀୟ ପ୍ରତିଯୋଗିତା, ଶକ୍ତି ଏବଂ ନେତୃତ୍ବର ପୁନଃ ନିର୍ମାଣ ହେବ ବୋଲି କହିଛନ୍ତି ମୋଦି ।
ଏହି ଅବସରରେ ପ୍ରଧାନମନ୍ତ୍ରୀ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ରଣନୀତିକ ଭାଗିଦାରୀକୁ ବିଶ୍ବ ପାଇଁ ଏକ କଲ୍ୟାଣକାରୀ ଶକ୍ତି ଭାବରେ ବର୍ଣ୍ଣନା କରିଛନ୍ତି । ଡିଜିଟାଲ୍ ଯୁଗରେ 'ତଥ୍ୟ'କୁ ସବୁଠାରୁ ଗୁରୁତ୍ବପୂର୍ଣ୍ଣ ଜିନିଷ ଭାବରେ ବର୍ଣ୍ଣନା କରି ସେ କହିଛନ୍ତି ଯେ ଭାରତରେ ଆମେ ଡାଟା ସୁରକ୍ଷା, ଗୋପନୀୟତା ଏବଂ ସୁରକ୍ଷା ପାଇଁ ଏକ ଦୃଢ ଢାଞ୍ଚା ସୃଷ୍ଟି ହୋଇଛି ।
ଏହା ବି ପଢନ୍ତୁ: ସିଡନୀ ସମ୍ବାଦ କାର୍ଯ୍ୟକ୍ରମର ଅଧ୍ୟକ୍ଷତା କରିବେ ପ୍ରଧାନମନ୍ତ୍ରୀ