ଲକ୍ଷ୍ନୌ: କାଶୀ ଧାମରେ କାମ କରୁଥିବା ଶ୍ରମିକଙ୍କ ପାଇଁ ଝୋଟ ଚପଲ ପଠାଇଲେ ପ୍ରଧାନମନ୍ତ୍ରୀ । ଶ୍ରମିକଙ୍କ ପାଇଁ ୧୦୦ ହଳ ଚପଲ ପଠାଇଛନ୍ତି ପ୍ରଧାନମନ୍ତ୍ରୀ ମୋଦି । ଏନେଇ ଆଜି(ସୋମବାର) ଉତ୍ତରପ୍ରଦେଶ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ବାରଣାସୀର କାଶୀ ଧାମର ଉନ୍ନୟନ ମୂଳକ ବିକାଶ ପାଇଁ ପ୍ରଧାନମନ୍ତ୍ରୀ ପଦକ୍ଷେପମାନ ନେଇଛନ୍ତି । କାଶୀ ଧାମକୁ ଚପଲ ନିଷେଧ ଥିବାବେଳେ ସେଠାରେ କାମ କରୁଥିବା ଶ୍ରମିକମାନେ ଖାଲି ପାଦରେ କାମ କରୁଛନ୍ତି ।
ତେଣୁ ସେମାନଙ୍କ ପାଇଁ ଝୋଟ ଚପଲର ବ୍ୟବସ୍ଥା କରିଛନ୍ତି ପ୍ରଧାନମନ୍ତ୍ରୀ । ଝୋଟ ଚପଲ ପାଦକୁ ଥଣ୍ଡା ରଖିବାରେ ସହାୟକ ହେବ । ଯାହାଫଳରେ ଶ୍ରମିକମାନେ ଖରାରେ ମଧ୍ୟ କାମ କରିପାରିବେ । ଏହି ଯୋଜନାରେ କାଶୀ ମନ୍ଦିରରେ ଥିବା ପୂଜକ, ସିକ୍ୟୁରିଟି ଗାର୍ଡ, ମନ୍ଦିର ପରିସର ସଫା କରୁଥିବା ଶ୍ରମିକ ଓ କାଶୀ ଧାମର ଅନ୍ୟାନ୍ୟ ଶ୍ରମିକଙ୍କୁ ସରକାରଙ୍କ ପକ୍ଷରୁ ଝୋଟ ଚପଲ ଦିଆଯାଇଛି ।