ନୂଆଦିଲ୍ଲୀ: ପ୍ରଧାନମନ୍ତ୍ରୀଙ୍କ ସହ ବିଗ-ବି ଅମିତାଭଙ୍କ ଟ୍ବିଟ୍ ବାର୍ତ୍ତାଳାପ । ପର୍ଯ୍ୟଟନସ୍ଥଳୀ ଭ୍ରମଣକୁ ନେଇ ଚର୍ଚ୍ଚା କରିଛନ୍ତି ଉଭୟ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାର୍ବତୀ କୁଣ୍ଡ ଏବଂ ଜାଗେଶ୍ବର ମନ୍ଦିର ଗସ୍ତକୁ ନେଇ ପ୍ରଶଂସା କରିଥିଲେ ବିଗ ବି । ତେବେ ବିଗ ବି ଅମିତାଭ ବଚ୍ଚନଙ୍କ ଏହି ଟ୍ବିଟ୍ ଉପରେ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ବିଗ ବିଙ୍କୁ କୁଚର 'ରଣ ଉତ୍ସବ' ଭ୍ରମଣ କରିବା ପାଇଁ ପରାମର୍ଶ ଦେବା ସହ ଅମିତାଭଙ୍କ 'ଷ୍ଟାଚ୍ୟୁ ଅଫ୍ ୟୁନିଟି' ଟ୍ରିପ୍ ମଧ୍ୟ ପେଣ୍ଡିଂ ଅଛି ବୋଲି ମନେ ପକାଇଛନ୍ତି ।
ତେବେ ଗତ ୧୪ ତାରିଖରେ ପ୍ରଧାନମନ୍ତ୍ରୀ ଟ୍ବିଟର( X )ଆକାଉଣ୍ଟରେ ପୋଷ୍ଟ ପାର୍ବତୀ କୁଣ୍ଡ ଏବଂ ଜାଗେଶ୍ବର ମନ୍ଦିରର ମନୋରମ ଦୃଶ୍ୟ ପୋଷ୍ଟ କରିଥିଲେ । ଏହି ସ୍ଥାନର ପ୍ରାକୃତିକ ସୌନ୍ଦର୍ଯ୍ୟ ତାଙ୍କୁ ବିମୋହିତ କରିଥିବା ସେ ଉଲ୍ଲେଖ କରିଥିଲେ । ଫଟୋ ପୋଷ୍ଟ କରି କ୍ୟାପସନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଲ୍ଲେଖ କରିଥିଲେ, "ଉତ୍ତରାଖଣ୍ଡରେ ଅନେକ ଜଣାଶୁଣା ସ୍ଥାନ ଅଛି ଯାହାକୁ ମୁଁ ଅନେକ ଥର ପରିଦର୍ଶନ କରିଛି । କେଦାରନାଥ ଏବଂ ବଦ୍ରିନାଥ ଗସ୍ତ ସମୟର ଅନୁଭୂତି ମୋ ପାଇଁ ସ୍ମରଣୀୟ । ହେଲେ ବହୁ ବର୍ଷ ପରେ ପାର୍ବତୀ କୁଣ୍ଡ ଏବଂ ଜାଗେଶ୍ବର ମନ୍ଦିର ଦର୍ଶନ କରି ଅପୂର୍ବ ଆନନ୍ଦ ମିଳିଛି ।"