ନୂଆଦିଲ୍ଲୀ: ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ ଗେଟ୍ସଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଂଶସା । ବିଲ୍ ଗେଟ୍ସଙ୍କ ରୁଟି ତିଆରି କରିବାର ଏକ ଭିଡିଓ ଦେଖି ପ୍ରଶଂସା କରିଛନ୍ତି ମୋଦି । ଗେଟ୍ସ ଭାରତୀୟ ଡିସ୍ ରୁଟି ତିଆରି କରୁଥିବାର ଦେଖି ମୋଦି ତାଙ୍କୁ ଉତ୍ସାହିତ କରିଛନ୍ତି । ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ ଗେଟ୍ସ ଏକ ଭାରତୀୟ ରୁଟି ତିଆରି କରି ଭିଡିଓ ସେୟାର କରିବା ପରେ ତାହା ଇଣ୍ଟରନେଟରେ ବେଶ ଭାଇରାଲ ହୋଇଛି । ଗେଟ୍ସଙ୍କ ଏହି ଉଦ୍ୟମକୁ ଭାରତର ପ୍ରଧାନମନ୍ତ୍ରୀ ପ୍ରସଂଶା କରିବା ସହ ତାଙ୍କୁ ମିଲେଟ୍ ଅର୍ଥାତ ମାଣ୍ଡିଆ ଜାତୀୟ ଶସ୍ୟ ରେ ବି ରୋଟି ତିଆରି କରିବାକୁ ପରାମର୍ଶ ଦେଇଛନ୍ତି ।
ତେବେ ଗତ ୨ ତାରିଖରେ ଫେମସ ରୋଷେୟା ଇଟନ ବର୍ନଥ ନିଜ ସୋସିଆଲ ମିଡିଆ ସାଇଟରେ ବିଲ୍ ଗେଟ୍ସ ରୁଟି ତିଆରି କରିବା ଭିଡିଓକୁ ନିଜ ଟ୍ୱିଟର ଆକାଉଣ୍ଟରେ ସେୟାର କରିଥିଲେ । ଇଟନ ଭିଡିଓ ସେୟାର କରି ଲେଖିଛନ୍ତି, "ବିଲ୍ ଗେଟ୍ସ ଏବଂ ମୁଁ ଏକଠୀ ରୁଟି ତିଆରି କରିବାରେ ବହୁତ ମଜା କରିଛୁ ।’’ ଏହାସହ ଇଟନ ଲେଥିଛନ୍ତି ମୁଁ ନିକଟରେ ଭାରତର ବିହାର ଗସ୍ତ କରିଥିଲି । ବିହାରର କୃଷକଙ୍କୁ ଧନ୍ୟବାଦ ଜଣାଇଛନ୍ତି । ଏହାସହ ‘ଦିଦି କି ରୋଷେଇ’ରେ କିମ କରୁଥିବା ସମସ୍ତ ମହିଳାଙ୍କୁ ମଧ୍ୟ ଧନ୍ୟବାଦ ଜଣାଉଛି ଯେଉଁମାନେ ମତେ ରୁଟି ତିଆରି କରିବା ଶିଖାଇଛନ୍ତି ।