ପିଲା ଦିନର ଶିକ୍ଷକଙ୍କୁ ଭେଟି ଆଶୀର୍ବାଦ ନେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁଜୁରାଟ ଗସ୍ତ ସବୁବେଳେ ଏକ ସ୍ବତନ୍ତ୍ରତା ବହନ କରିଥାଏ । ଏଥର ଗୁଜୁରାଟ ଗସ୍ତ ବେଳେ ନିଜ ପିଲାଦିନ ଶିକ୍ଷକଙ୍କୁ ଭେଟିଛନ୍ତି ମୋଦି । ଅଧିକ ପଢ଼ନ୍ତୁ

ଗାନ୍ଧୀନଗର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁଜୁରାଟ ଗସ୍ତ ସବୁବେଳେ ଏକ ସ୍ବତନ୍ତ୍ରତା ବହନ କରିଥାଏ । ଗୁଜୁରାଟ ଗସ୍ତ ନେଇ ସବୁବେଳେ ସେ ଚର୍ଚ୍ଚାରେ ରହିଛନ୍ତି । ବର୍ତ୍ତମାନ ପ୍ରଧାନମନ୍ତ୍ରୀ ମୋଦି ପୁନଃ ଗୁଜୁରାଟ ଗସ୍ତ ନେଇ ଚର୍ଚ୍ଚା ରହିଛନ୍ତି । ଗୁଜୁରାଟ ଗସ୍ତ ବେଳେ ନିଜ ପିଲାଦିନ ଶିକ୍ଷକଙ୍କୁ ଭେଟିଛନ୍ତି ମୋଦି ।

ଏହାର ଏକ ଫଟୋ ମଧ୍ୟ ବର୍ତ୍ତମାନ ଦେଖିବାକୁ ମିଳିଲାଣି । ଏହି ଫଟୋ ନବଶାରୀର ବୋଲି କୁହାଯାଉଛି । ଏଠାରେ ପ୍ରଧାନମନ୍ତ୍ରୀ ମୋଦି ନିଜ ସ୍କୁଲ୍‌ ଶିକ୍ଷକ ଜଗଦିଶ ନାୟକଙ୍କୁ ଭେଟିଛନ୍ତି । ଫଟୋରେ ମୋଦି ନିଜ ଶିକ୍ଷକଙ୍କୁ ହାତ ଯୋଡ଼ି ପ୍ରଣାମ କରୁଥିବା ଦେଖିବାକୁ ମିଳିଛି । ମୋଦିଙ୍କ ପ୍ରଣାମ ପରେ ତାଙ୍କ ଶିକ୍ଷକ ମଧ୍ୟ ତାଙ୍କୁ ଆଶୀର୍ବାଦ କରିଛନ୍ତି ।

କୌଣସି ଶିକ୍ଷକଙ୍କ ପାଇଁ ଏହାଠାରୁ ଆଉ ଗର୍ବ ବିଷୟ କ'ଣ ହୋଇପାରେ ? ଯେଉଁ ପିଲାଙ୍କୁ ସେ ଦିନେ ପାଠ ପଢ଼ାଇଥିଲେ ସେ ଆଜି ଦେଶର ପ୍ରଧାନମନ୍ତ୍ରୀ । ପୁଣି ଏଭଳି ଏକ ପଦରେ ରହି ଜଣେ ଛାତ୍ର ନିଜ ଶିକ୍ଷକଙ୍କୁ ଭୁଲିନାହିଁ । ପରିଣତ ବୟସରେ ନିଜ ଛାତ୍ର ନରେନ୍ଦ୍ର ଦାମୋଦର ଦାସ ମୋଦିଙ୍କୁ ଭେଟି ଖୁସି ଜାହିର କରିଛନ୍ତି ଜଗଦିଶ ନାୟକ ।