କୋପେନହଗେନ:ୟୁରୋପ ଗସ୍ତରେ ଥିବା ପ୍ରଧାନମନ୍ତ୍ରୀ ଆଜି ଡେନମାର୍କ ରାଜଧାନୀରେ 4 ୟୁରୋପୀୟ ରାଷ୍ଚ୍ରମୁଖ୍ୟଙ୍କ ସହ ସାକ୍ଷାତ କରିଛନ୍ତି । ଆଇସଲ୍ୟାଣ୍ଡ, ସ୍ବିଡେନ, ନରଓ୍ବେ ଓ ଫିନଲ୍ୟାଣ୍ଡର ପ୍ରଧାନମନ୍ତ୍ରୀଙ୍କ ସହ ମୋଦି ଆଜି (ବୁଧବାର) ସାକ୍ଷାତ କରିବା ସହ ଆଲୋଚନା କରିଛନ୍ତି । ଆଇସଲ୍ୟାଣ୍ଡ ପ୍ରଧାନମନ୍ତ୍ରୀ Katrín Jakobsdóttir, ନରଓ୍ବେ ପ୍ରଧାନମନ୍ତ୍ରୀ ଜୋନାସ୍ ଗହର ଷ୍ଟୋର (Jonas Gahr Støre) ଓ ସ୍ବିଡେନ ପ୍ରଧାନମନ୍ତ୍ରୀ ମଗଦଲେନା ଅଣ୍ଡରସନ (Magdalena Andersson), ଫିନଲ୍ୟାଣ୍ଡ ପ୍ରଧାନମନ୍ତ୍ରୀ ସନ୍ନା ମରିନ (Sanna Marin)ଙ୍କୁ ଭେଟି ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ।
ଗତକାଲି ଡେନମାର୍କରେ ପହଞ୍ଚିବା ପରେ ଡେନମାର୍କ ପ୍ରଧାନମନ୍ତ୍ରୀ ମେଟେ ଫ୍ରେଡେରିକସେନଙ୍କୁ ସାକ୍ଷାତ କରିବା ସହ ଏକାଧିକ ପ୍ରସଙ୍ଗରେ ଆଲୋଚନା ମଧ୍ୟ କରିଥିଲେ । ପ୍ରଧାନମନ୍ତ୍ରୀ ଫ୍ରେଡେରିକସେନଙ୍କ ବାସଭବନ ମଧ୍ୟ ପରିଦର୍ଶନ କରିଥିଲେ ମୋଦି । ଆଜି ଆଉ 3 ରାଷ୍ଟ୍ରମୁଖ୍ୟଙ୍କ ସହ ଆଲୋଚନା ହୋଇଛି । 3 ଦେଶ ସହ ଭାରତର ସୁସମ୍ପର୍କ ରହିଛି । ଆଗାମି ଦିନରେ ଭାରତ ସହ ଏହି ଦେଶମାନଙ୍କର ବାଣିଜ୍ୟ, ଶକ୍ତି ଆଦି ପ୍ରସଙ୍ଗରେ ସହଯୋଗ ବୃଦ୍ଧି କରିବା ପାଇଁ ଆଲୋଚନା ହୋଇଛି ।