ନୂଆଦିଲ୍ଲୀ:ବମ୍ପର ନିଯୁକ୍ତି ଦିନକରେ 51 ହଜାର ନବନିଯୁକ୍ତଙ୍କୁ ମିଳିଲା ଚାକିରି । ନବମ ରୋଜଗାର ମେଳା ଅଧିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 51 ହଜାର ନବନିଯୁକ୍ତ ଯୁବକ ଯୁବତୀଙ୍କୁ ନିଯୁକ୍ତି ପତ୍ର ବାଣ୍ଟିଛନ୍ତି । ନିଯୁକ୍ତି କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଲକ୍ଷ୍ୟରେ ଷଷ୍ଠ ରୋଜଗାର ମେଳାରେ ବିଭିନ୍ନ ପରୀକ୍ଷାରେ କୃତକାର୍ଯ୍ୟ ହୋଇଥିବା ଯୁବକ ଯୁବତୀ କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ନିଯୁକ୍ତି ପାଇଛନ୍ତି । ନିଯୁକ୍ତିପତ୍ର ବାଣ୍ଟିବା ସହିତ ସମସ୍ତ ନବନିଯୁକ୍ତଙ୍କୁ ଶୁଭେଚ୍ଛା ସହ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ।
ନବନିଯୁକ୍ତଙ୍କୁ ପ୍ରଧାନମନ୍ତ୍ରୀଙ୍କ ଗୁରୁମନ୍ତ୍ର:51 ହଜାର ନିଯୁକ୍ତ ପତ୍ର ବାଣ୍ଟିବା ସହିତ ରୋଜଗାର ମେଳାକୁ ସମ୍ବୋଧନ କରିବା ସହ ସମସ୍ତ ନବନିଯୁକ୍ତଙ୍କୁ ଶୁଭେଚ୍ଛା ସହ ଗୁରୁମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି,"ଆଜିର ଏହି ରୋଜଗାର ମେଳାରେ ଯେଉଁ ଆଶାୟୀଙ୍କୁ ସରକାରୀ ସେବାର ନିଯୁକ୍ତି ପତ୍ର ମିଳିଛି ସମସ୍ତଙ୍କୁ ଅନେକ ଅଭିନନ୍ଦନ । ତୁମେ ସମସ୍ତ କଠିନ ପରିଶ୍ରମ ପରେ ଏହି ସଫଳତା ହାସଲ କରିଛ । ତୁମ ଚନୟ ଲକ୍ଷ ଲକ୍ଷ ଆଶାୟୀଙ୍କ ମଧ୍ୟରୁ କରଯାଇଛି ତେଣୁ ଏହି ସଫଳତା ତୁମ ଜୀବନରେ ଅଧିକ ଗୁରୁତ୍ବପୂର୍ଣ୍ଣ । ଆଜି ଦେଶରେ ଗଣେଶ ଉତ୍ସବ ମନା ଯାଉଛି । ଏହି ପବିତ୍ର ସମୟରେ ତୁମ ନୂଆ ଜୀବନର ଶ୍ରୀଗଣେଶ ହୋଇଛି । ତୁମ ସମସ୍ତଙ୍କ ସେବା ସଂକଳ୍ପ ରାଷ୍ଟ୍ରର ଲକ୍ଷ୍ୟକୁ ସିଦ୍ଧି ଯାଏ ନେଇଯାଉ ଏହା ଆଶା କରିବ । ଆଜି ଆମ ଦେଶ ଐକିହାସିକ ଉପଲବ୍ଧି ଏବଂ ନିଷ୍ପତ୍ତିର ସାକ୍ଷୀ ହେଉଛି । ନାରୀ ଶକ୍ତି ବନ୍ଦନ ଅଧିନିୟନରେ ଦେଶକୁ ଶକ୍ତି ମିଳିଛି । ମହିଳା ସଂରକ୍ଷଣ ବିଲ ରେକର୍ଡ ଭୋଟ ସହ ଉଭୟ ଗୃହରେ ପାସ ହୋଇଛି । ଏହା ଏକ ବଡ ଉପଲବ୍ଧି । ଏହି ନିର୍ଣ୍ଣୟ ଦେଶର ନୂଆ ସଂସଦର ପ୍ରଥମ ଅଧିବେଶନରେ ନିଆଯାଇଛି । ନୂଆ ସଂସଦରେ ଦେଶର ନୂଆ ଭବିଷ୍ୟତର ଆରମ୍ଭ ହୋଇଛି । ଆଜି ଏହି ରୋଜଗାର ମେଳାରେ ମଧ୍ୟ ଅଧିକ ସଂଖ୍ୟକ ଝିଅଙ୍କୁ ନିଯୁକ୍ତି ପତ୍ର ମିଳିଛି । ଆଜିର ନାରୀ ସ୍ପେସରୁ ନେଇ ସ୍ପୋର୍ଟ ଯାଏ ସବୁଥିଲେ କୀର୍ତ୍ତୀମାନ କରିଛି । ନାରୀ ଶକ୍ତିର ସଫଳତା ପାଇଁ ମୁଁ ଗର୍ବିତ । ନାରୀଶକ୍ତି ପାଇଁ ନୂଆ ନୂଆ ଦ୍ବାର ଖୋଲାଯାଉଛି । ନାରୀ ଶକ୍ତି ସର୍ବଦା ନୂଆ ଉତ୍ସାହର ସହିତ ଆଗକୁ ବଢିଛି ।"
ପ୍ରଧାନମନ୍ତ୍ରୀ ଆହୁରି କହିଛନ୍ତି, "ଗତ 9 ବର୍ଷରେ ଟେକ୍ନୋଲୋଜିକାଲ୍ ଟ୍ରାନ୍ସଫରମେସନ୍ଠୁ ନେଇ ସୁଶାସନ କେତେ ସହଜ ତାହା ଦେଖିବାକୁ ମିଳିଛି । ପୂର୍ବରୁ ଟ୍ରେନ୍ ଟିକେଟ ପାଇଁ କାଉଣ୍ଟର୍ରେ ଲାଇନ୍ ଦେବାକୁ ପଡ଼ୁଥିବା ମାତ୍ର ଏବେ ଟକ୍ନେଲୋଜି ଏହି ସମସ୍ୟାକୁ ସହଜ କରିଛି । ଆଧାର କାର୍ଡ, ଜିଡିଟାଲ ଲକର ଓ କେୱାଇସି ଏହି ସମସ୍ୟାକୁ ସମାଧାନ କରିଛି । ଟେକ୍ନୋଲୋଜି ଦ୍ବାରା ଦୁର୍ନୀତି କମିଛି । ଆମର ପଲିସି ଏକ ନୂଆ ମାଇଣ୍ଡ ସେଟ, ବିଷୟବସ୍ତୁ ମନିଟରିଂ, ମିଶନ ମୋଡ୍ ନିୟୋଜନ ଏବଂ ସମୂହ ଭାଗୀଦାରୀ ଉପରେ ଆଧାରିତ । 2047 ସୁଦ୍ଧା ଭାରତ ବିକଶିତ ହେବ । ଆଗାମୀ କିଛି ବର୍ଷ ଭିତରେ ତୃତୀୟ ଅର୍ଥନୈତିକ ଦେଶ ହେବ । ଏକବିଂଶ ଶତାଦ୍ଦୀରେ ଭାରତର ଆକାଂକ୍ଷା ବହତୁ ଅଧିକ । ସରକାରଙ୍କ ଆଶା ଅଧିକ ରହିଛି । ନୂଆ ଭାରତ ଆଜି କମାଲ କରୁଛି ଏ ସେହି ଭାରତ ଯିଏ କିଛି ଦିନ ପୂର୍ବରୁ ଚନ୍ଦ୍ରରେ ତ୍ରିରଙ୍ଗା ଉଡାଇଥିଲା । ଭାରତର ବିକାଶରେ ସରକାର କର୍ମଚାରୀଙ୍କ ଭୂମିକା ବଢିବାକୁ ଯାଉଛି ତୁମକୁ ସିଟିଜେନ ଫାଷ୍ଟ ଭାବନା ନେଇ କାର୍ଯ୍ୟ କରିବାକୁ ହେବ । ଟେକ୍ନୋଲୋଜି ବ୍ୟବହାର କରି କାର୍ଯ୍ୟ କରିବାକୁ ହେବ । ସମସ୍ତେ ପ୍ରଗତି କରନ୍ତୁ । ଆଗାମୀ 25 ବର୍ଷ ସଂକଳ୍ପ ନେଇ ଦେଶ ପାଇଁ ବଞ୍ଚି ଦେଶ ପାଇଁ କିଛି କରି ଦେଖାନ୍ତୁ ।"