ନୂଆଦିଲ୍ଲୀ:ଏଣିକି ସ୍ବାଧୀନତା ଦିବସ ପୂର୍ବ ଦିନକୁ ମନାଇବେ ଦେଶବାସୀ । ସ୍ବାଧୀନତାର ପୂର୍ବଦିନ ଅର୍ଥାତ ଅଗଷ୍ଟ ୧୪ ତାରିଖକୁ 'ବିଭାଜନ ବିଭୀଷିକା ସ୍ମୃତି ଦିବସ' ଭାବେ ପାଳନ କରିବାକୁ ପ୍ରଧାନମନ୍ତ୍ରୀଙ୍କ ଆହ୍ବାନ । ସ୍ବାଧୀନତା ପାଇଁ ନିଜ ଜୀବନକୁ ଝାସ ଦେଇଥିବା ମହାପୁରୁଷଙ୍କୁ ମନେ ପକାଇ ଏହି ଦିବସ ପାଳନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଟ୍ବିଟର ମାଧ୍ୟମରେ ଅପିଲ୍ କରିଛନ୍ତି ।
ବିଭାଜନ ସମୟରେ ଦେଶବାସୀ ପାଇଥିବା ଯନ୍ତ୍ରଣାକୁ କଦାପି ଭୁଲିହେବ ନାହିଁ ବୋଲି ମୋଦି କହିଛନ୍ତି । ଏହି ହିଂସାତ୍ମକ କାର୍ଯ୍ୟ ପାଇଁ ଆମର ଲକ୍ଷ ଲକ୍ଷ ଭାଇ-ଭଉଣୀଙ୍କୁ ବିସ୍ଥାପିତ ହେବାକୁ ପଡିଛି । ଏପରିକି ଅନେକଙ୍କୁ ପ୍ରାଣ ବଳିଦାନ ଦେବାକୁ ମଧ୍ୟ ପଡିଛି । ସେହି ସଂଗ୍ରାମୀଙ୍କୁ ସ୍ମରଣ କରି ୧୪ ଅଗଷ୍ଟକୁ ବିଭୀଷିକା ସ୍ମୃତି ଦିବସ ଭାବେ ପାଳନ କରିବାକୁ ପ୍ରଧାନମନ୍ତ୍ରୀ ଆହ୍ବାନ କରିଛନ୍ତି ।