ବଦଳିଲା ଖେଳରତ୍ନ ପୁରସ୍କାର ନାଁ; ରାଜୀବ ଗାନ୍ଧୀ ପରିବର୍ତ୍ତେ ଏଣିକି ‘ମେଜର ଧ୍ୟାନଚାନ୍ଦ’

କ୍ରୀଡା ଜଗତକୁ ନେଇ କେନ୍ଦ୍ର ସରକାରଙ୍କ ବଡ ପଦକ୍ଷେପ । ବଦଳିଲା ଖେଳରତ୍ନ ପୁରସ୍କାରର ନାଁ । ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ବଦଳରେ ‘ମେଜର ଧ୍ୟାନଚନ୍ଦ’ । ଟ୍ବିଟ କରି ସୂଚନା ଦେଲେ ପ୍ରଧାନମନ୍ତ୍ରୀ । ଅଧିକ ପଢନ୍ତୁ....

ନୂଆଦିଲ୍ଲୀ:କ୍ରୀଡା ଜଗତକୁ ନେଇ କେନ୍ଦ୍ର ସରକାରଙ୍କ ବଡ ପଦକ୍ଷେପ । ବଦଳିଲା ଖେଳରତ୍ନ ପୁରସ୍କାରର ନାଁ । ଏଣିକି କ୍ରୀଡାବିତଙ୍କୁ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର ମିଳିବ । ପୂର୍ବରୁ ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ମିଳୁଥିଲା । ଦେଶବାସୀଙ୍କ ପ୍ରସ୍ତାବ ଓ ଇଚ୍ଛା କ୍ରମେ ନାଁ ପରିବର୍ତ୍ତନ ହୋଇଥିବା କହିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଆଜି (ଶୁକ୍ରବାର) ଏସମ୍ପର୍କରେ ଟ୍ବିଟ କରି ପ୍ରଧାନମନ୍ତ୍ରୀ କହିଛନ୍ତି ଦେଶର ବିଭିନ୍ନ ପ୍ରାନ୍ତରୁ ଅନେକ ଅନୁରୋଧ ପରେ ଏହି ନିଷ୍ପତି ନିଆଯାଇଛି । କ୍ରୀଡାବିତ ଓ କ୍ରୀଡାଜଗତ ସହ ଜଡିତ ଲୋକଙ୍କ ସହ ଦେଶବାସୀଙ୍କ ଭାବନାକୁ ସମ୍ମାନ ଜଣାଇ ଏହି ପଦକ୍ଷେପ ନିଆଯାଇଛି । ତେଣୁ ବର୍ତ୍ତମାନ ଠାରୁ ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ପରିବର୍ତ୍ତେ ମେଜର ଧ୍ୟାନଚାନ୍ଦ ରତ୍ନ ପୁରସ୍କାର ଭାବେ ପୁରସ୍କାର ଦିଆଯିବ ।