ନୂଆଦିଲ୍ଲୀ:ଆଜି ପବିତ୍ର ରାକ୍ଷୀ ପୂର୍ଣ୍ଣିମା । ଏହି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉପରାଷ୍ଟ୍ରପତି ଭେଙ୍କେୟା ନାଇଡୁ । ପବିତ୍ର ରାକ୍ଷୀ ପୂର୍ଣ୍ଣିମା ଅବସରରେ ଟ୍ବିଟ କରି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ସହିତ ଉପରାଷ୍ଟ୍ରପତି ଭେଙ୍କେୟା ନାଇଡୁ ମଧ୍ୟ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।
ଟ୍ବିଟ କରି ଉପରାଷ୍ଟ୍ରପତି କହିଛନ୍ତି ରକ୍ଷା ବନ୍ଧନ ହେଉଛି ଭାଇ ଓ ଭଉଣୀଙ୍କ ମଧ୍ୟରେ ରହିଥିବା ପ୍ରେମ ଓ ସମ୍ମାନର ବିଶେଷ ତଥା ଗଭୀର ସମ୍ପର୍କକୁ ସୁଦୃଢ କରିବାର ପର୍ବ । ଏହି ପବିତ୍ର ଦିବସ ଉପଲକ୍ଷେ ମହିଳାଙ୍କ ସମ୍ମାନ ବଜାୟ ରଖିବା ଏବଂ ସେମାନଙ୍କ ପାଇଁ ସବୁ ସମୟରେ ଏକ ନିରାପଦ ପରିବେଶ ସୁନିଶ୍ଚିତ କରିବା ଲାଗି ସଂକଳ୍ପ ନେବା ବୋଲି କହିଛନ୍ତି ଉପରାଷ୍ଟ୍ରପତି ।