ନୂଆଦିଲ୍ଲୀ: ଭାରତ ସମେତ ସାରା ବିଶ୍ବରେ ନୂଆବର୍ଷକୁ ସ୍ବାଗତ କରିଛି । ନୂଆ ଆଶା, ଉଦ୍ଦୀପନାରେ 2023ର ଆଗମନକୁ ଉତ୍ସବ ଭଳି ଧୁମଧାମରେ ପାଳନ କରାଯାଉଛି ( New Year 2023 ) । ନୂଆବର୍ଷକୁ ନେଇ ସବୁଠି ଉତ୍ସବର ମାହୋଲ । ନୂଆ ଆଶା ନୂଆ ସମ୍ଭାବନା ନେଇ ବର୍ଷର ପ୍ରଥମ ଦିନକୁ ଖୁସିରେ ଅତିବାହିତ କରୁଛନ୍ତି ଦେଶବାସୀ । ନବବର୍ଷ ଅବସରରେ ଦେଶବାସୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି ।
ଟ୍ବିଟ କରି ନବବର୍ଷର ଶୁଭେଚ୍ଛା ଜଣାଇ ପ୍ରଧାନମନ୍ତ୍ରୀ କହିଛନ୍ତି, ''2023 ସମସ୍ତଙ୍କ ପାଇଁ ସ୍ବତନ୍ତ୍ର ହେଉ । ସମସ୍ତଙ୍କ ପାଇଁ ବର୍ଷଟି ଖୁସି, ସମୃଦ୍ଧି ଓ ସଫଳତାପୂର୍ଣ୍ଣ ହେଉ । ସମସ୍ତ ଜୀବନ ମଙ୍ଗଳମୟ ହେଉ ।''
ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବବର୍ଷର ଶୁଭେଚ୍ଛା ଜଣାଇ କହିଛନ୍ତି, ଇଂରାଜୀ ନବବର୍ଷ ୨୦୨୩ର ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ। ମହାପ୍ରଭୁ ଶ୍ରୀଜଗନ୍ନାଥଙ୍କ କୃପାରୁ ନୂଆବର୍ଷ ସମସ୍ତଙ୍କ ପାଇଁ ସୁଖ, ଶାନ୍ତି, ସମୃଦ୍ଧି ଓ ସୁଯୋଗ, ସମ୍ଭାବନାର ବର୍ଷ ହେଉ । ନୂଆବର୍ଷ ସମସ୍ତଙ୍କ ପାଇଁ ମଙ୍ଗଳମୟ ହେଉ ଓ ଓଡିଶା ପାଇଁ ଶାନ୍ତି ଓ ସମୃଦ୍ଧିର ବର୍ଷ ହେଉ ।''
ରାଜ୍ୟପାଳ ଗଣେଶୀ ଲାଲ ନବବର୍ଷ ଶୁଭେଚ୍ଛା ଜଣାଇ କହିଛନ୍ତି, '' ନବବର୍ଷ 2023ରେ ସମସ୍ତଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଆନ୍ତରିକ ଅଭିନନ୍ଦନ । ନୂତନ ବର୍ଷ ସମସ୍ତଙ୍କ ଜୀବନରେ ହସ,ଖୁସି ଓ ସମୃଦ୍ଧି ଭରି ଦେଉ ଏତିକି କାମନା । ରାଜ୍ୟକୁ ଦେଶର ଏକ ଶ୍ରେଷ୍ଠ ରାଜ୍ୟରେ ପରିଣତ କରିବା ପାଇଁ ସମସ୍ତେ ନିଜ ନିଜ ସ୍ତରରେ ନିଷ୍ଠାପର ପ୍ରୟାସ ଜାରି ରଖିବାକୁ ମୁଁ ଆହ୍ବାନ ଜଣାଉଛି ।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନବବର୍ଷ ଶୁଭେଚ୍ଛା ଜଣାଇ କହିଛନ୍ତି, '' 2023ରେ ଅଭିନନ୍ଦନ । ଏହି ବର୍ଷ ସମସ୍ତଙ୍କ ପାଇଁ ନୂତନ ଆଶା, ନୂତନ ପ୍ରତିଜ୍ଞା, ଆନନ୍ଦ, ଉତ୍ତମ ସ୍ୱାସ୍ଥ୍ୟ, ଶାନ୍ତି ଏବଂ ସମୃଦ୍ଧତା ଆଣୁ । ଏହା ଏକ ନୂତନ ଆରମ୍ଭ । ବ୍ୟକ୍ତିଗତ ଏବଂ ଜାତୀୟ ପ୍ରଗତି ପାଇଁ ସୁନ୍ଦର ସମୟ ।’’
ଏହା ବି ପଢନ୍ତୁ...President message on New Year: ଶୁଭେଚ୍ଛା ଜଣାଇଲେ ମୁର୍ମୁ, ରାଷ୍ଟ୍ର ନିର୍ମାଣରେ ସାମିଲ ହେବାକୁ ଦେଲେ ଆହ୍ୱାନ
ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ନବବର୍ଷର ଶୁଭେଚ୍ଛା ଜଣାଇ କହିଛନ୍ତି, ବର୍ଷ 2023ର ସମସ୍ତଙ୍କୁ ହାର୍ଦ୍ଦିକ ଅଭିନନ୍ଦନ । ଏହି ବର୍ଷ ସମସ୍ତଙ୍କ ଜୀବନରେ ଉତ୍ତମ ସ୍ବାସ୍ଥ୍ୟ, ସୁଖ, ଶାନ୍ତି ଓ ସମୃଦ୍ଧି ଆଣୁ ।''
