ନୂଆଦିଲ୍ଲୀ: ରାସ୍ତା ମଝିରେ ସୃଷ୍ଟି ହୋଇଛି ଏକ ବଡ ଗାତ । ଗାଡି ଚାଳକ ସାମାନ୍ୟ ଅନ୍ୟମନସ୍କ ହେଲେ ଏହି ରାସ୍ତା ମଝିରେ ସୃଷ୍ଟି ହୋଇଥିବା ଗାତରେ ପଡି ଆହତ ହେବାର ରହିଛି ଯଥେଷ୍ଟ ସମ୍ଭାବନା । ତେବେ ଏଭଳି ଗାତ ରାଜଧାନୀ ଦିଲ୍ଲୀର IIT ଫ୍ଲାଏଓଭର ତଳେ ଯାଇଥିବା ରାସ୍ତାରେ ଶନିବାର ସକାଳେ ଦେଖିବାକୁ ମିଳିଥିଲା । ଦିଲ୍ଲୀବାସୀଙ୍କୁ ଏ ସମ୍ପର୍କରେ ଟ୍ରାଫିକ ପୋଲିସ ପକ୍ଷରୁ ଟ୍ବିଟର ମାଧ୍ୟମରେ ସୂଚନା ଦିଆଯାଇଥିଲା ।
ଦିଲ୍ଲୀ ରାସ୍ତା ମଝିରେ ସୃଷ୍ଟି ହେଲା ବଡ ଗାତ, ଲୋକଙ୍କୁ ସତର୍କ କଲା ପୋଲିସ
ଏହି ଗାତ ତଳେ ଡ୍ରେନ ପାଣି ପ୍ରବାହିତ ହେଉଥିବାବେଳେ ଯାନବାହନ ଗମନାଗମନ ସମ୍ପୂର୍ଣ୍ଣ ଭାବରେ ପ୍ରଭାବିତ ହୋଇଥିଲା । ଏହି ରାସ୍ତାରେ ଯାଉଥିବା ଯାନବାହନକୁ ଅଲଗା ରାସ୍ତାରେ ପଠାଇଥିଲା ଦିଲ୍ଲୀ ଟ୍ରାଫିକ ପୋଲିସ । ଘଟଣାସ୍ଥଳରେ ସ୍ଥାନୀୟ ପୋଲିସ ଓ ଟ୍ରାଫିକ ପୋଲିସ ଉପସ୍ଥିତ ରହି ଲୋକମାନଙ୍କୁ ସତର୍କ କରାଇଥିଲେ । ଏହି ଗାତ ଚାରିପାଖରେ ବ୍ୟାରିକେଡ ଲଗାଯାଇଥିଲା । ଏହି ଗାତ ଯୋଗୁଁ ଅଧଚିନିଠାରୁ ଆଇଆଇଟି ଯିବା ରାସ୍ତାରେ ଟ୍ରାଫିକ ସମସ୍ୟା ଦେଖାଦେଇଥିଲା ।