ଥିରୁଅନନ୍ତପୁରମ: ଗୁରୁବାର ସାରା କେରଳରେ PFI(Popular Front of India) କର୍ମକର୍ତ୍ତା ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରିଥିଲେ । NIA(National Investigation Agency) ନେତୃତ୍ବରେ PFIର କର୍ଯ୍ୟାଳୟ, କର୍ମକର୍ତ୍ତାଙ୍କ ଘର ଓ ଏହି ସଂଗଠନ ସହ ଜଡ଼ିତ ଅନ୍ୟ ସ୍ଥାନଗୁଡ଼ିକ ଉପରେ ଅନେକ କେନ୍ଦ୍ରୀୟ ଏଜେନ୍ସି ଚଢ଼ାଉ କରିଥିଲେ । ଦେଶରେ ଆତଙ୍କୀ କାର୍ଯ୍ୟକଳାପକୁ ଏହି ସଂଗଠନ ସମର୍ଥନ କରୁଥିବା ଲିଡ୍ ପାଇବା ପରେ ଏହି ଚଢ଼ାଉ କରାଯାଇଛି । ଏହାକୁ ବିରୋଧ କରି ସାରା କେରଳରେ PFI କର୍ମକର୍ତ୍ତା ବିକ୍ଷୋଭ ପ୍ରଦର୍ଶନ କରିଛନ୍ତି । ଶୁକ୍ରବାର କେରଳରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି (PFI activists called 12 hour Bandh) ।
କେନ୍ଦ୍ରୀୟ ଏଜେନ୍ସି ଚଢ଼ାଉକୁ ବିରୋଧ କରି PFIର କର୍ମକର୍ତ୍ତା ଅନେକ ସ୍ଥାନରେ ରାଲି ବାହାର କରିଥିଲେ । ବିଶେଷ କରି ଯେଉଁ ସବୁ ସ୍ଥାନରେ ଚଢ଼ାଉ କରାଯାଇଛି ସେ ସବୁ ସ୍ଥାନକୁ ରାଲି କରାଯାଇଥିଲା । ଏହି ରାଲିରେ କେନ୍ଦ୍ରୀୟ ଏଜେନ୍ସି ଓ କେନ୍ଦ୍ର ସରକାରଙ୍କ ବିରୋଧରେ ନାରାବାଜୀ କରାଯାଇଥିଲା । ସେପଟେ ଲଗାତାର ଚଢ଼ାଉ ପରେ ସେହି ସବୁ ସ୍ଥାନରେ ସୁରକ୍ଷାକର୍ମୀଙ୍କୁ ନିୟୋଜିତ କରାଯାଇଛି । ଆଇନଶୃଙ୍ଖଳା ପରିସ୍ଥିତି ଉପରେ ନଜର ରଖାଯାଇଛି ।
କେନ୍ଦ୍ରୀୟ ଏଜେନ୍ସି ଦେଶରେ RSS ଏଜେଣ୍ଡା ଚଳାଉଥିବା ଅଭିଯୋଗ କରିଛନ୍ତି କେନ୍ଦ୍ରୀୟ ଏଜେନ୍ସି । ଏହାକୁ ନେଇ ଶୁକ୍ରବାର କେରଳରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । କେରଳର ରାଜଧାନୀ ଥିରୁଅନନ୍ତପୁରମ ସହ କୋଲ୍ଲାମ, କୋଟ୍ଟାୟାମ୍, ଏର୍ଣ୍ଣାକୁଲମ ଓ ଥ୍ରୀସୁର୍ରେ ବନ୍ଦର ବିଶେଷ ପ୍ରଭାବ ଦେଖିବାକୁ ମିଳିଥିଲା । ଏହାଛଡ଼ା ରାଜ୍ୟର ସମସ୍ତ ଜିଲ୍ଲାରେ ବିକ୍ଷୋଭ ପ୍ରଦର୍ଶନ ହୋଇଛି ।
ସୂତ୍ର ମୁତାବକ ୧୪ଟି କାର୍ଯ୍ୟାଳୟ ମୁଖ୍ୟଙ୍କୁ ଉଠାଇ ନେଇଛି NIA । ଏଥିରେ ରାଜ୍ୟ ଜିଲ୍ଲାର ପ୍ରତିନିଧି ସାମିଲ ରହିଛନ୍ତି । ପ୍ରଥମେ ଏହାକୁ ED ପକ୍ଷରୁ ଚଢ଼ାଉ ବୋଲି ଭାବିଥିଲେ PFI ପ୍ରତିନିଧି । କିନ୍ତୁ ପରବର୍ତ୍ତୀ ସମୟରେ ଏହି ଚଢ଼ାଉ NIA ପକ୍ଷରୁ କରାଯାଉଥିବା ସ୍ପଷ୍ଟ ହୋଇଛି । ରାଜ୍ୟ ସଭାପତି ସିପି ମହମ୍ମଦ ବାଶିର, ଜାତୀୟ ଅଧ୍ୟକ୍ଷ ଓଏମ୍ଏ ସଲାମ, ଜାତୀୟ ସଚିବ ନାସିରୁଦ୍ଦିନ ଏଲାମରମ ଓ ଅନ୍ୟମାନଙ୍କୁ ଉଠାଇ ନେଇଛି NIA । NIA ହେପାଜତରେ ଥିବା ସମସ୍ତ ନେତାଙ୍କୁ କୋଚିସ୍ଥିତ କାର୍ଯ୍ୟାଳୟକୁ ଅଣାଯିବ । ଚଢ଼ାଉ ବେଳେ କେତେକେ ଦସ୍ତାବିଜ୍ ଜବତ ହୋଇଛି । ଏହି ସବୁ ଦସ୍ତାବିଜ୍ PFIର ବିଭିନ୍ନ ଅଭିଯାନ ପାଇଁ ବ୍ୟବହାର କରାଯାଉଥିଲା । ଏଥିରେ କୌଣସି ସନ୍ଦେହଜନକ ଦସ୍ତାବିଜ୍ ନଥିବା କଥା କହିଛନ୍ତି ପ୍ରଦର୍ଶନକାରୀ ।
