ନୂଆଦିଲ୍ଲୀ:ହୁ ହୁ ହୋଇ ବଢିଚାଲିଛି ତୈଳ ଦର । ଆଜି ପୁଣି ବଢିଲା ପେଟ୍ରୋଲ-ଡିଜେଲ ରେଟ୍ । ଆଜି ପୁଣି ଦେଶରେ ପେଟ୍ରୋଲ-ଡିଜେଲ ରେଟରେ ୩୫ ପଇସା ଲେଖାଏଁ ବୃଦ୍ଧି ପାଇଛି । ଯାହା ବର୍ତ୍ତମାନ ତୈଳ ଦରକୁ ଆକାଶ ଛୁଆଁ କରିଛି ।
ସୂଚନାଯୋଗ୍ୟ, ରାଷ୍ଟ୍ରାୟତ୍ତ ତୈଳ କମ୍ପାନୀ ଆଜି ପେଟ୍ରୋଲ ଲିଟର ପିଛା ୩୫ ପଇସା ଏବଂ ଡିଜେଲ ୩୫ ପଇସା ମହଙ୍ଗା କରିଛନ୍ତି । ଏହାପରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୬.୮୯ ଟଙ୍କାରେ ବିକ୍ରି ହୋଇଛି । ସେପଟେ ମୁମ୍ବାଇରେ ମଧ୍ୟ ପେଟ୍ରୋଲ ଦର ଖୁବ୍ ଉଚ୍ଚା ରହିଛି । ବାଣିଜ୍ୟ ନଗରୀରେ ପେଟ୍ରୋଲ ୧୧୨.୭୮ ଟଙ୍କାରେ ମିଳୁଥିବାବେଳେ ଡିଜେଲ ୧୦୩.୬୩ ଟଙ୍କା ହୋଇଛି । ଦିଲ୍ଲୀରେ ଡିଜେଲ ଦର ୯୫.୬୨ ରହିଛି ।