ନୂଆଦିଲ୍ଲୀ: ଲଗାତାର ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ମଧ୍ୟରେ ବର୍ତ୍ତମାନ ସିଏନଜିର ମୂଲ୍ୟ ମଧ୍ୟ ବୃଦ୍ଧି ପାଇଛି । ଗୁରୁବାର ଡିଜେଲର ମୂଲ୍ୟ 9 ପଇସା ବୃଦ୍ଧି ପାଇଥିବାବେଳେ ପେଟ୍ରୋଲର ମୂଲ୍ୟ 35 ପଇସା ବୃଦ୍ଧି ପାଇଛି । ଏଥି ସହିତ ଦିଲ୍ଲୀରେ ସିଏନଜି ମୂଲ୍ୟ ଗୁରୁବାର ଠାରୁ ବୃଦ୍ଧି କରାଯାଇଛି । ଏହାପୂର୍ବରୁ ଦିଲ୍ଲୀରେ ସିଏନଜି କିଲୋଗ୍ରାମ ପିଛା 43.40 ଟଙ୍କା ଥିଲା । ଯାହା ବର୍ତ୍ତମାନ 44.30 ଟଙ୍କାକୁ ବୃଦ୍ଧି ପାଇଛି । ଏହି କ୍ରମରେ ପିଏନଜିର ମୂଲ୍ୟ ଏସସିଏମ ପିଛା 29.66 ଟଙ୍କାରେ ପହଞ୍ଚିଛି । ନଏଡାରେ ସିଏନଜିର ମୂଲ୍ୟ ଗୁରୁବାର 49.09 ଟଙ୍କା ବୃଦ୍ଧି ପାଇଛି । ପିଏନଜିର ଘରୋଇ ମୂଲ୍ୟ ଏସସିଏମ ପିଛା 29.61 ଟଙ୍କା ହେବ ।
ପ୍ରକାଶ ଥାଉକି ବର୍ତ୍ତମାନ ଦିଲ୍ଲୀ, କୋଲକାତା, ଚେନ୍ନାଇରେ ମଧ୍ୟ ପେଟ୍ରୋଲର ମୂଲ୍ୟ 100 ଟଙ୍କା ପାର କରିଛି । କିଛି ଦିନ ପୂର୍ବରୁ ମୁମ୍ବାଇରେ ପେଟ୍ରୋଲ ଲିଟର ପିଛା ଦର 100 ଟଙ୍କା ପାର କରିଛି । ଅନ୍ୟ ସହରଗୁଡ଼ିକରେ ମଧ୍ୟ ସମାନ ଅବସ୍ଥା ରହିଛି |
| ସହର | ପେଟ୍ରୋଲ | ଡିଜେଲ |
| ଦିଲ୍ଲୀ | 100.21 | 89.53 |
| ମୁମ୍ବାଇ | 106.25 | 97.09 |
| ଚେନ୍ନାଇ | 101.06 | 94.06 |
| କୋଲକତା | 100.23 | 92.50 |
ଅନ୍ୟ ସହରରେ ପେଟ୍ରୋଲ ଓ ଡିଜେଲ ଦର
-ଭୋପାଳରେ ପେଟ୍ରୋଲ 108.52 ଟଙ୍କା ଏବଂ ଡିଜେଲ ଲିଟର ପିଛା 98.30 ଟଙ୍କା ରହିଛି।
-ରାଞ୍ଚିରେ ପେଟ୍ରୋଲର ମୂଲ୍ୟ 95.43 ଟଙ୍କା ଏବଂ ଡିଜେଲର ଲିଟର ପିଛା 94.48 ଟଙ୍କା ରହିଛି।