ଲକ୍ଷ୍ନୌ: ବହୁ ଚର୍ଚ୍ଚିତ ବାବ୍ରୀ ମସଜିଦ ବିଧ୍ବଂସ ମାମଲା ପୁଣି ଥରେ ଚର୍ଚ୍ଚାକୁ ଆସିଛି । ଏହି ମାମଲାରେ ସିବିଆଇର ସ୍ବତନ୍ତ୍ର କୋର୍ଟ ଦ୍ବାରା ସମସ୍ତଙ୍କୁ ଦୋଷମୁକ୍ତ କରାଯାଇଥିଲା । ଏହାକୁ ବିରୋଧ କରି ହାଜି ମହବୁବ ନାମକ ବ୍ୟକ୍ତି ଆହ୍ଲାବାଦ ହାଇକୋର୍ଟରେ ଏକ ଜନସ୍ବାର୍ଥ ମାମଲା ଦାୟର କରାଯାଇଛି ।
ବାବ୍ରୀ ମସଜିଦ ବିଧ୍ବଂସ ରାୟ ବିରୋଧରେ ଆହ୍ଲାବାଦ ହାଇକୋର୍ଟରେ ଜନସ୍ବାର୍ଥ ମାମଲା
ବାବ୍ରୀ ମସଜିଦ ବିଧ୍ବଂସ ମାମଲା ପୁଣି ଥରେ ଚର୍ଚ୍ଚାକୁ ଆସିଛି। ଏହି ମାମଲାରେ ସିବିଆଇର ସ୍ବତନ୍ତ୍ର କୋର୍ଟ 32 ଜଣଙ୍କୁ ଦୋଷମୁକ୍ତ କରିଥିଲା । ଏହାକୁ ବିରୋଧ କରି ହାଜି ମହବୁବ ନାମକ ବ୍ୟକ୍ତି ଆହ୍ଲାବାଦ ହାଇକୋର୍ଟରେ ଏକ ଜନସ୍ବାର୍ଥ ମାମଲା ଦାୟର କରିଛନ୍ତି । ଅଧିକ ପଢନ୍ତୁ...
ବାବ୍ରୀ ମସଜିଦ ବିଧ୍ବଂସ ରାୟ ବିରୋଧରେ ଆହ୍ଲାବାଦ ହାଇକୋର୍ଟରେ ଜନସ୍ବାର୍ଥ ମାମଲା
ଗତବର୍ଷ ବାବ୍ରୀ ମସଜିଦ ଭଙ୍ଗା ମାମଲାକୁ ନେଇ ସିବିଆଇର ସ୍ବତନ୍ତ୍ର କୋର୍ଟ ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡୱାଣୀ,ମୁରଲୀମନୋହର ଯୋଶୀ, ଉମା ଭାରତୀ, ମହନ୍ତ ନୃତ୍ୟ ଗୋପାଲ ଦାସ ଓ ବିନୟ କଟିଆର ସହ ମୋଟ 32 ଜଣଙ୍କୁ ଦୋଷମୁକ୍ତ କରିଥିଲା । ଏହି ଘଟଣାକୁ ନେଇ କୋର୍ଟ କହିଥିଲା ଯେ ବାବ୍ରୀ ମସଜିଦ ଭଙ୍ଗାଯିବା ଘଟଣା ପୂର୍ବ ନିର୍ଦ୍ଧାରିତ ନଥିଲା । ଏହା କେବଳ ଭିଡ ଯୋଗୁଁ ଅଚାନକ ଘଟିଥିଲା । ଏହି ଘଟଣାରେ ଦୋଷୀ ଭାବରେ ଚିତ୍ରଣ କରାଯାଇଥିବା ଅଭିଯୁକ୍ତଙ୍କ ବିରୋଧରେ ଉପଯୁକ୍ତ ପ୍ରମାଣ ନାହିଁ । ଏହା ସହ ଏହି ଘଟଣାରେ ଅଡିଓକୁ ପ୍ରମାଣ ଭାବରେ ଗ୍ରହଣ କରାଯାଇପାରିବ ନାହିଁ ବୋଲି ସିବିଆଇ ବିଶେଷ କୋର୍ଟ ଶୁଣାଣି କରିଥିଲେ ।
ସୂଚନାଥାଉକି 6 ଡିସେମ୍ବର 1992 ମସିହାରେ ବାବ୍ରୀ ମସଜିଦର ବିବାଦୀୟ ଢାଞ୍ଚା ଭାଙ୍ଗିବା ମାମଲାରେ ସିବିଆଇ ମୋଟ 49 ଜଣଙ୍କ ବିରୋଧରେ ମାମଲା ରୁଜୁ କରିଥିଲା । ସେମାନଙ୍କ ମଧ୍ୟରୁ 17 ଜଣ ମୃତ୍ୟୁବରଣ କରିଥିଲେ । ଏହା ପରେ 2020ରେ ସିବିଆଇର ବିଶେଷ କୋର୍ଟ ସମସ୍ତ 32 ଜଣଙ୍କୁ ଦୋଷମୁକ୍ତ କରିଥିଲା ।