ଚଣ୍ଡିଗଡ଼: ଚଳିତ ବର୍ଷ ମେ’ ମାସ ୨୯ରେ ପ୍ରସିଦ୍ଧ ପଞ୍ଜୀବ କଣ୍ଠଶିଳ୍ପୀ ତଥା କଂଗ୍ରେସ ନେତା ସିଦ୍ଧୁ ମୁସେୱାଲାଙ୍କୁ ଗୁଳି କରି ହତ୍ୟା କରିଥିଲେ କିଛି ଦୁର୍ବୃତ୍ତ । ବର୍ତ୍ତମାନ ସୁଦ୍ଧା ଏହି ହତ୍ୟାକାଣ୍ଡରେ କିଛି ଗ୍ୟାଙ୍ଗ୍ର ସଦସ୍ୟଙ୍କୁ ଗିରଫ କରିଛି ପୋଲିସ । ସିଦ୍ଧୁ ମୁସେୱାଲାଙ୍କୁ ଶ୍ରଦ୍ଧାଞ୍ଜଳି ସ୍ବରୂପ ଚଳିତ ବର୍ଷ ମାନ୍ସା ଜିଲ୍ଲା ମୂଷା ଗ୍ରାମରେ ଦୀପାବଳି ପାଳନ ନକରିବାକୁ ନିଷ୍ପତ୍ତି ନେଇଛନ୍ତି ଗ୍ରାମବାସୀ ।
ଚଳିତ ବର୍ଷ ମୂଷା ଗ୍ରାମରେ କଳା ଦୀପାବଳି ପାଳିବାକୁ ନିଷ୍ପତ୍ତି ହୋଇଥିବା ନେଇ ମିଡିଆ ରିପୋର୍ଟ ପ୍ରକାଶ ପାଇଛି । ଏଥିପାଇଁ ଚଳିତ ବର୍ଷ ଗ୍ରାମରେ କୌଣସି ବ୍ୟକ୍ତି ବାଣ ନଫୁଟାଇବାକୁ ନିଷ୍ପତ୍ତି ନେଇଛନ୍ତି । ତାଛଡ଼ା ଗ୍ରାମରେ କେହି ଦୀପଟିଏ ମଧ୍ୟ ଜାଳିବେ ନାହିଁ । ଏହାକୁ ନେଇ ସିଦ୍ଧୁମୁସେୱାଲାଙ୍କ ବାପା କହିଛନ୍ତି, "ସିଦ୍ଧୁଙ୍କ ହତ୍ୟାକାଣ୍ଡ ନେଇ ସରକାରଙ୍କ ପକ୍ଷରୁ ନ୍ୟାୟ ଆଶା ଆମେ ଆଉ କରି ପାରୁନୁ । ଏଥିପାଇଁ ଚଳିତ ବର୍ଷ କଳା ଦୀପାବଳି ପାଳିବାକୁ ଆମେ ଗ୍ରାମବାସୀଙ୍କୁ ଅପିଲ୍ କରିଥିଲୁ । ଏଥିପାଇଁ ଗ୍ରାମରେ କେହି ବି ଦୀପାବଳି ପାଳିବେ ନାହିଁ ।"
ଏହା ବି ପଢ଼ନ୍ତୁ:Sidhu Moosewala Murder Case: ଚମ୍ପଟ ମାରିଲା ମୁଖ୍ୟ ଅଭିଯୁକ୍ତ ଦୀପକ ଟିନୁ