PDP ନେତା ୱାହିଦଙ୍କୁ 15 ଦିନିଆ ରିମାଣ୍ଡରେ ନେଲା NIA

ହିଜବୁଲ ମୁଜାହିଦ୍ଦିନ ଆତଙ୍କବାଦୀ ସଙ୍ଗଠନ ସହ ଲିଙ୍କ୍‌ ଅଭିଯୋଗରେ ଗିରଫ ହୋଇଥିବା ପିପୁଲ୍ସ ଡେମୋକ୍ରାଟିକ ପାର୍ଟି (PDP) ଯୁବମୋର୍ଚ୍ଚା ଅଧ୍ୟକ୍ଷ ୱାହିଦ ଉର ରହେମାନ ପର୍ରାକୁ 15 ଦିନିଆ ରିମାଣ୍ଡରେ ନେଇଛି ଜାତୀୟ ସୁରକ୍ଷା ଏଜେନ୍ସି (NIA) ।

ଶ୍ରୀନଗର: ଆତଙ୍କାବାଦ ସଂଗଠନ ସହ ସମ୍ପର୍କ ଅଭିଯୋଗରେ ଗିରଫ ହୋଇଥିବା ପିପୁଲ୍ସ ଡେମୋକ୍ରାଟିକ ପାର୍ଟି (PDP) ଯୁବମୋର୍ଚ୍ଚା ଅଧ୍ୟକ୍ଷ ୱାହିଦ ଉର ରହେମାନ ପର୍ରାକୁ 15 ଦିନିଆ ରିମାଣ୍ଡରେ ନେଇଛି ଜାତୀୟ ସୁରକ୍ଷା ଏଜେନ୍ସି (NIA) । ହିଜବୁଲ ମୁଜାହିଦ୍ଦିନ ଆତଙ୍କବାଦୀ ସଙ୍ଗଠନ ସହ ଲିଙ୍କ୍‌ ଅଭିଯୋଗରେ ପର୍ରାକୁ ବୁଧବାର ଗରିଫ କରିଥିଲା ଏନଆଇଏ ।

ଏନଆଇଏ ପର୍ରାକୁ ସୋମବାର ଦିଲ୍ଲୀ ମୁଖ୍ୟାଳୟରେ ପଚାରାଉଚରା କରିଥିଲା । ନିକଟରେ କେନ୍ଦ୍ରଶାସିତ ଅଞ୍ଚଳ ଜମ୍ମୁ କାଶ୍ମୀର ଜିଲ୍ଲା ବିକାଶ ପରିଷଦ ନିର୍ବାଚନ ପାଇଁ ପ୍ରାର୍ଥୀ ପତ୍ର ଦାଖଲ କରିଥିଲା ପର୍ରା । କେବଳ ଏତିକି ନୁହେଁ ନିକଟରେ ହୋଇଥିବା ଗୁପକାର ବୈଠକରେ ମଧ୍ୟ ସେ ସାମିଲ ହୋଇଥିବା ଜଣାପଡିଛି ।

ପର୍ରା ଜମ୍ମୁ କାଶ୍ମୀରର ନିଲମ୍ବିତ ଡିଏସପି ଦଭିନ୍ଦର ସିଂ ଆତଙ୍କବାଦ ମାମଲା ସହ ଜଡିତ ଥିବା ଅଭିଯୋଗ ହୋଇଛି । ଏହା ବ୍ୟତୀତ ପର୍ରାର ଗିରଫ ହୋଇଥିବା ହିଜବୁଲ ମୁଜାହିଦ୍ଦିନ କମାଣ୍ଡର ନିବିଦ ବାବୁ ଓ ତା ସହଯୋଗୀ ଇରଫାନ ମୀର ସହ ସମ୍ପର୍କ ଥିବା ଅଭିଯୋଗ ରହିଛି । ଦ୍ବିତୀୟ ଦିନରେ ପଚରାଉଚରା ବେଳେ ଦବନ୍ଦର ସିଂ ମାମଲାର ଟଙ୍କା ନେଣଦେଣ ଦିଗ ସମ୍ପର୍କରେ ଏନଆଇଏ ପର୍ରାକୁ ପ୍ରଶ୍ନ କରିଥିଲା ।