କୋପେନହେଗନ:ଡେନମାର୍କ ପ୍ରଧାନମନ୍ତ୍ରୀଙ୍କ ବାସଭବନ କାନ୍ଥରେ ଶୋଭା ପାଉଛି ଓଡିଶାର ଐତିହ୍ୟ ଓ ଭାସ୍କର୍ଯ୍ୟର ପ୍ରତୀକ ପଟ୍ଟଚିତ୍ର । ୟୁରୋପ ଗସ୍ତର ଦ୍ବିତୀୟ ଦିନରେ ଆଜି (ମଙ୍ଗଳବାର) ଡେନମାର୍କରେ ପହଞ୍ଚିଥିବା ପ୍ରଧାନମନ୍ତ୍ରୀ ମୋଦି ଡେନମାର୍କ ପ୍ରଧାନମନ୍ତ୍ରୀ ମେଟେ ଫ୍ରେଡେରିକସେନଙ୍କ ବାସଭବନ ପରିଦର୍ଶନ କରିବା ଅବସରରେ ଏହି ପଟ୍ଟଚିତ୍ର ମଧ୍ୟ ପରିଦର୍ଶନ କରିଛନ୍ତି ।
ଡାନିସ ପ୍ରଧାନମନ୍ତ୍ରୀ ଫ୍ରେଡେରିକସେନ ଭାରତ ଗସ୍ତରେ ଆସିଥିବା ସମୟରେ ପ୍ରଧାନମନ୍ତ୍ରୀ ମୋଦି ତାଙ୍କୁ ଏହି ପଟ୍ଟଚିତ୍ର ଉପହାର ସ୍ବରୂପ ପ୍ରଦାନ କରିଥିଲେ । ତେବେ ଉଭୟ ପ୍ରଧାନମନ୍ତ୍ରୀ ଏହି ପଟ୍ଟଚିତ୍ର ସମ୍ପର୍କରେ ଆଲୋଚନା କରୁଥିବା ମଧ୍ୟ ଦେଖିବାକୁ ମିଳିଛି ।