ହାଇଦ୍ରାବାଦ: ଆପଣ ଘରୁ କିମ୍ବା ଅଫିସରୁ କାମ କରି ଥକି ପଡିଲେଣି କି ? ତେବେ ଆଦୌ ଚିନ୍ତା କରନ୍ତୁ ନାହିଁ । ଏଣିକି ଆପଣ ପାର୍କରୁ କରିପାରିବେ ଅଫିସ କାମ । ଏହି ସୁବିଧା କେବଳ ହାଇଦ୍ରାବାଦ ବାସୀଙ୍କ ଲାଗି । ହାଇଦ୍ରାବାଦର ପତ୍ରିକା ନଗରଠାରେ ନିର୍ମିତ ହୋଇଛି ଏହି ଅତ୍ୟାଧୁନିକ ପାର୍କ । ଯେଉଁଠି ଅଫିସ କର୍ମଚାରୀଙ୍କ ପାଇଁ ରହିଛି ସମସ୍ତ ପ୍ରକାର ସୁବିଧା । ଲାପଟପ୍ ରଖି କାମ କରିବା ଲାଗି ସ୍ବତନ୍ତ୍ର ଧରଣର ଟେବୁଲ ନିର୍ମାଣ କରାଯାଇଛି । ଏଠାରେ ଉଭୟ ଛୋଟ ଛୋଟ ପିଲା ଓ କର୍ମଚାରୀଙ୍କ ଲାଗି ବ୍ୟବସ୍ଥା ରହିଛି । ଗ୍ରେଟର ହାଇଦ୍ରାବାଦ ମ୍ୟୁନିସପାଲ କର୍ପୋରେସନ (GHMC) ପକ୍ଷରୁ ଏହାର ନିର୍ମାଣ କରାଯାଇଥିବା ବେଳେ ଖୁବଶୀଘ୍ର ଏହା ଜନସାଧାରଣ ଲାଗି ଲୋକାର୍ପିତ ହେବାକୁ ଯାଉଛି ।
ତେଲେଙ୍ଗାନାର ଶିଳ୍ପମନ୍ତ୍ରୀ କେଟି ରାମା ରାଓ ସହରରେ ପ୍ରାୟ ୫୦ ପ୍ରକାରର ଥିମ ପାର୍କ ନିର୍ମାଣ କରିବାକୁ ଯାଉଛନ୍ତି । ଏହି 'ଇଣ୍ଟରଆକ୍ଟିଭ ସାଇନ୍ସ ପାର୍କ' ଖୁବଶୀଘ୍ର ଲୋକାର୍ପିତ ହେବାକୁ ଯାଉଛି । ଏଠାରେ ନା ଯେ କେବଳ ବିଭିନ୍ନ ପ୍ରକାରର ଗଛ ଲଗାଯିବ, ବରଂ ଖାସ୍ କରି କର୍ମଚାରୀଙ୍କ ଲାଗି ଏକ ୱାର୍କ ଷ୍ଟେସନର ବ୍ୟବସ୍ଥା କରିବ । ଯେଉଁଠି ପ୍ରକୃତି ଭରା ପରିବେଶରେ କର୍ମଚାରୀମାନେ ଶାନ୍ତ ମନରେ ନିଜର କାମ କରିପାରିବେ । ପ୍ରାକୃତିକ ପରିବେଶରେ କାମ କରିବାର ମଜା ଦେବା ଲାଗି ତେଲେଙ୍ଗାନା ସରକାରଙ୍କ ପକ୍ଷରୁ ଏହି ବିଶେଷ ଧରଣର ଉଦ୍ୟାନ ନିର୍ମିତ ହୋଇଛି ।