ନୂଆଦିଲ୍ଲୀ: ବିଶ୍ବର ବହୁଳ ବ୍ୟବହୃତ ତଥା ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟର(Twitter)ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) Jack Dorsey ତାଙ୍କ ପଦରୁ ଇସ୍ତଫା ଦେଇପାରନ୍ତି । ତେବେ ତାଙ୍କ ସ୍ଥାନରେ ଭାରତରେ ଜନ୍ମିତ ପରାଗ ଅଗ୍ରୱାଲ ଟ୍ୱିଟରର ନୂତନ CEO ଭାବେ ଦାୟିତ୍ବ ନେବେ ।
ସୂତ୍ରରୁ ମିଳିଥିବା ସୂଚନା ଅନୁସାରେ, ସୋସିଆଲ ମିଡିଆ କ୍ଷତ୍ରରେ ନିଜ ଅନ୍ୟ ପ୍ରତିଦ୍ବନ୍ଦୀଙ୍କ ଠାରୁ ଆଗରେ ରହିବା ଓ ନିଜର ବାର୍ଷିକ ଆୟକୁ ୨୦୨୩ ସୁଦ୍ଧା ଦୁଇ ଗୁଣା କରିବା ପାଇଁ ଟ୍ବିଟର(Twitter) ନୂଆ ରଣନୀତିରେ କିଛି କାର୍ଯ୍ୟକ୍ରମ ହାତକୁ ନେଇଛି । ଗତକାଲି (ନଭେମ୍ବର 28)ରେ Jack Dorseyଙ୍କର ଶେଷ ଟ୍ବିଟ ସାମ୍ନାକୁ ଆସିଥିଲା । ଏଥିରେ ସେ ଟ୍ବିଟରକୁ ଭଲପାଆନ୍ତି ବୋଲି ପୋଷ୍ଟ କରିଥିବା ଦେଖିବାକୁ ମିଳିଥିଲା । ଆଜି( ସୋମବାର) ସୁଦ୍ଧା Dorseyଙ୍କର ଏହି ଟ୍ବିଟକୁ ପ୍ରାୟ 54,000ରୁ ଅଧିକ ଟ୍ବିଟର ବ୍ୟବହାରକାରୀ ଲାଇକ କରିଥିବା ଦେଖିବାକୁ ମିଳିଛି ।