ଗାନ୍ଧୀନଗର:ବିମାନରେ ବୋମା ଆତଙ୍କ। ଅହମ୍ମଦାବାଦରୁ ଦିଲ୍ଲୀ ଅଭିମୁଖେ ଉଡାଣ ଭରିବାକୁ ଥିବା ବିମାନରେ ବୋମା ଥିବା ଗୁଜବ । ମଙ୍ଗଳବାର ଅହମ୍ମଦାବାଦ ପୋଲିସକୁ ଏଭଳି ସୂଚନା ମିଳିପାରେ ବିମାନ ବନ୍ଦରରେ ଆତଙ୍କ ଖେଳାଯାଇଥିଲା । ସର୍ଚ୍ଚ ଅପରେସନ ପରେ ଏହା ଏକ ଫେକ୍ କଲ୍ ହୋଇଥିବା ଜଣାପଡିଥିଲା ।
ମିଳିଥିବା ସୂଚନା ଅନୁଯାୟୀ, ଗତକାଲି ଅହମ୍ମଦାବାଦ ଏୟାରପୋର୍ଟରେ ସନ୍ଧ୍ୟା 5ଟା 20 ମିନିଟ ସମୟରେ ଦିଲ୍ଲୀକୁ ଏକ ବିମାନ ଉଡାଣ ହେବାକୁ ଥିଲା । ଏହା ପୂର୍ବରୁ ଅହମ୍ମଦାବାଦ ପୋଲିସକୁ କଲ ଆସିଥିଲା ଯେ, ବିମାନରେ ବୋମା ରହିଛି । ଏହାପରେ ପରେ ବିମାନରେ ସର୍ଚ୍ଚ ଅପେରସନ ଆରମ୍ଭ ହୋଇଥିଲେ ମଧ୍ୟ କୌଣସି ବୋମା ମିଳିନଥିଲା । ପରେ ଏହା ଏକ ଫେକ କଲ ବୋଲି ଜଣାପଡିଥିଲା । ତେବେ ଯେଉଁ ବ୍ୟକ୍ତି ଏପରି କଲ୍ କରି ମିଛ ତଥ୍ୟ ଦେଇଛନ୍ତି ତା ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ଅହମ୍ମଦାବାଦ ପୋଲିସ କହିଛି ।
ତେବେ ବିମାନରେ ବୋମା ନଥିବା ଅନୁସନ୍ଧାନରୁ ଜଣାପଡିବା ପରେ ସମସ୍ତ ଯାତ୍ରୀ ପୁନଃ ବିମାନ ଉପରେ ଚଢ଼ିଥିଲେ । କିନ୍ତୁ ଏହି ସମୟରେ ଜଣେ ବ୍ୟକ୍ତି ବୋମା ଥିବା ଭୟରେ ଯାତ୍ରା କରିବାକୁ ମନା କରିଦେଇଥିଲେ । ବିମାନ ବନ୍ଦର ତରଫରୁ ତାଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ସେ ବୋମା ବିସ୍ଫୋରଣ ଭୟରେ ଯାତ୍ରା ନକରିବାକୁ କହିଥିଲେ । କିଛିଦିନ ପୂର୍ବରୁ ଋଷିଆ ରାଜଧାନୀ ମସ୍କୋରୁ ଗୋଆ ଆସୁଥିବା ଅଜୁର ଏୟାରର ବିମାନରେ ବୋମା ଥିବା ନେଇ ଗୁଜବ ସୃଷ୍ଟି ହୋଇଥିଲା । ଏହାପରେ ବିମାନର ଦିଗକୁ ପରିବର୍ତ୍ତନ କରାଯାଇ ଏହାକୁ ଉଜବେକିସ୍ତାନରେ ଅବତରଣ କରାଯାଇଥିଲା । ବିମାନରେ ୨ ଜଣ ଶିଶୁ ଓ 7 ଜଣ କ୍ରୁଙ୍କ ସମେତ ମୋଟ 238 ଯାତ୍ରୀ ଥିଲେ । ସମସ୍ତେ ସୁରକ୍ଷିତ ଥିବା ଜଣାପଡିଥିଲା ।
ଏହା ମଧ୍ୟ ପଢନ୍ତୁ-Inspiring Stroy: ମହିଳାଙ୍କ ମହତ କାର୍ଯ୍ୟ, ସ୍ତନ୍ୟପାନ କରାଇ ଭୋକିଲା ନବଜାତଙ୍କ ମେଣ୍ଟାଉଛନ୍ତି ଭୋକ
ସୂଚନା ମୁତାବକ, 240 ଯାତ୍ରୀଙ୍କୁ ନେଇ ଅଜୁର ଏୟାର ବିମାନ ମସ୍କୋରୁ ଗୋଆ ଅଭିମୁଖେ ଉଡାଣ ଭରିଥିଲା । ଜାନୁଆରୀ 21 ତାରିଖ ଦିନ 4ଟା 15 ମିନିଟ୍ ସମୟରେ ସାଉଥ ଗୋଆ ସ୍ଥିତ ଦାବୋଲିନ ବିମାନ ବନ୍ଦରରେ ଅବତରଣ କରିବାର ଥିଲା । ମାତ୍ର ବିମାନଟି ଭାରତୀୟ ବାୟୁସୀମାରେ ପ୍ରବେଶ କରିବା ପୂର୍ବରୁ ଏଥିରେ ବୋମା ଥିବା ନେଇ ସୂଚନା ମିଳିଥିଲା । ରାତି ପ୍ରାୟ ସାଢେ 12ଟା ସମୟରେ ଦୋବାଲିନ ଏୟାରପୋର୍ଟକୁ ବୋମା ସମ୍ପର୍କରେ ଏକ ଧମକପୂର୍ଣ୍ଣ ଇମେଲ୍ ଆସିଥିଲା ।
