ନୂଆଦିଲ୍ଲୀ:ଦିଲ୍ଲୀରେ ଇଣ୍ଟରପୋଲ ଦ୍ବାରା ଆୟୋଜିତ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରିବା ପାଇଁ ଆସିଛନ୍ତି ପାକିସ୍ତାନୀ ଜାତୀୟ ତଦନ୍ତକାରୀ ସଂସ୍ଥା (FIA) ମୁଖ୍ୟ ମୋସିନ ଭଟ୍ଟ (Pakistans FIA Chief Mohsin Butt in Delhi)। ତେବେ ଏହି କାର୍ଯ୍ୟକ୍ରମରେ ତାଙ୍କୁ ମୋଷ୍ଟ ଓ୍ବାଣ୍ଟେଡ ଦାଉଦ ଇବ୍ରାହିମ ଓ କୁଖ୍ୟାତ ଆତଙ୍କବାଦୀ ହାଫିଜ ସଇଦକୁ ଭାରତକୁ ପ୍ରତ୍ୟାର୍ପଣ କରିବା ପ୍ରସଙ୍ଗରେ ପ୍ରଶ୍ନ କରିଥିଲେ ଭାରତୀୟ ସାମ୍ବାଦିକ । ତେବେ ସେ ଏହି ପ୍ରସଙ୍ଗରେ କୌଣସି ପ୍ରତିକ୍ରିୟା ନରଖି ଏଡାଇ ଯାଇଥିବା ଦେଖିବାକୁ ମିଳିଥିଲା ।
ନୂଆଦିଲ୍ଲୀରେ ଇଣ୍ଟରପୋଲ ସାଧାରଣ ସଭାର କାର୍ଯ୍ୟକ୍ରମରେ ସାମିଲ ହେବା ପାଇଁ ଦୁଇ ଜଣିଆ ପ୍ରତିନିଧି ଭାବେ ପାକିସ୍ତାନକୁ ପ୍ରତିନିଧିତ୍ବ କରିବା ପାଇଁ ଦିଲ୍ଲୀ ଆସିଛନ୍ତି ମୋସିମ ଭଟ୍ଟ ଓ ଅନ୍ୟ ଜଣେ ଶୀର୍ଷ ପାକିସ୍ତାନୀ ଅଧିକାରୀ । ତେବେ ଏହି କାର୍ଯ୍ୟକ୍ରମରେ ତାଙ୍କୁ ଦାଉଦ ଓ ହାଫିଜର ପ୍ରତ୍ୟାର୍ପଣ ଉପରେ ପ୍ରଶ୍ନ କରିଥିଲେ ଭାରତୀୟ ସାମ୍ବାଦିକ । କ‘ଣ ପାକିସ୍ତାନ ଭାରତରେ ମୋଷ୍ଟ ଓ୍ବାଣ୍ଟେଡ ଥିବା ଉଭୟ ଆତଙ୍କବାଦୀଙ୍କୁ ପ୍ରତ୍ୟାର୍ପଣ କରିବ ବୋଲି ଭାରତୀୟ ସାମ୍ବାଦିକ ପ୍ରଶ୍ନ କରିଥିଲେ । ତେବେ ଏହି ପ୍ରଶ୍ନରେ ପାକିସ୍ତାନୀ ଶୀର୍ଷ ଅଧିକାରୀ ନୋ କମେଣ୍ଟ କହି ପ୍ରଶ୍ନକୁ ଏଡାଇ ଦେବା ସହ ନୀରବରେ ନିଜ ଆସନରେ ବସିଯାଇଥିବା ଦେଖିବାକୁ ମିଳିଥିଲା ।