ଇସଲାମାବାଦ: ପାକିସ୍ତାନର ପ୍ରଧାନମନ୍ତ୍ରୀ ନିର୍ବାଚନ ନେଇ ଲାଗି ରହିଥିବା ହାଇଭୋଲଟେଜ ଡ୍ରାମାର ଅନ୍ତ ଘଟିଛି । ବିରୋଧୀ ଦଳ ନେତା ସେହେବାଜ ସରିଫ ଅପ୍ରତିଦ୍ବନ୍ଦୀ ଭାବେ ପାକିସ୍ତାନର ନୂଆ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି । ସେହିପରି ଇମ୍ରାନ ଖାନ ସଂସଦରୁ ଇସ୍ତଫା ଦେଇଛନ୍ତି । ଶନିବାର ବିଳମ୍ବିତ ରାତିରେ ଇମ୍ରାନ ସରକାର ଅନାସ୍ଥାରେ କ୍ଷମତା ହରାଇବା ପରେ ପାକିସ୍ତାନ ପ୍ରଧାନମନ୍ତ୍ରୀ ନେଇ ଚର୍ଚ୍ଚା ଲାଗି ରହିଥିଲା । ବିରୋଧୀ ଦଳ ନେତା ସେହେବାଜ ସରିଫ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ସୁବଠୁ ଆଗରେ ଥିଲେ ।
ବିନା ପ୍ରତିଦ୍ୱନ୍ଦ୍ୱିତାରେ ପରବର୍ତ୍ତୀ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହେଲେ ସେହେବାଜ । ଇମ୍ରାନ ଖାନ୍ଙ୍କ ପିଟିଆଇ ପାର୍ଟି ନିର୍ବାଚନରେ ଭାଗ ନେଇନାହିଁ । ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ସରିଫଙ୍କ ସାନ ଭାଇ ସେହେବାଜ ସରିଫ୍ ।