ନୂଆଦିଲ୍ଲୀ: ଭାରତୀୟ ମାଛଧରାଳୀଙ୍କୁ ବାନ୍ଧିଲା ପାକିସ୍ତାନ ସମୁଦ୍ର ସୁରକ୍ଷା ବାହିନୀ । ଶୁକ୍ରବାର ଜଳ ସୀମା ଉଲ୍ଲଙ୍ଘନ ଅଭିଯୋଗରେ 17 ଭାରତୀୟ ମାଛଧରାଳୀଙ୍କୁ ଧରିଛି ପାକିସ୍ତାନ । ଏହାସହ ମାଛଧରାଳୀଙ୍କ 3 ଟି ଡଙ୍ଗାକୁ ମଧ୍ୟ ଜବତ କରିଛନ୍ତି । ସୁରକ୍ଷା ଏଜେନ୍ସିର ଅଧିକାରୀମାନେ କହିଛନ୍ତି ଯେ ଏହି ମତ୍ସ୍ୟଜୀବୀଙ୍କୁ ଜୁଡିସିଆଲ ମାଜିଷ୍ଟ୍ରେଟଙ୍କ ନିକଟରେ ହାଜର ହେବା ପରେ ପୋଲିସକୁ ହସ୍ତାନ୍ତର କରାଯାଇଛି।
17 ଭାରତୀୟ ମାଛ ଧରାଳୀଙ୍କୁ ବାନ୍ଧିଲା ପାକିସ୍ତାନ
ଭାରତୀୟ ମାଛଧରାଳୀଙ୍କୁ ବାନ୍ଧିଲା ପାକିସ୍ତାନ ସମୁଦ୍ର ସୁରକ୍ଷା ବାହିନୀ । ଶୁକ୍ରବାର ଜଳ ସୀମା ଉଲ୍ଲଙ୍ଘନ ଅଭିଯୋଗରେ 17 ଭାରତୀୟ ମାଛ ଧରାଳୀଙ୍କୁ ଧରିଛି ପାକିସ୍ତାନ । ଅଧିକ ପଢନ୍ତୁ...
17 ଭାରତୀୟ ମାଛଧରାଳୀଙ୍କୁ ବାନ୍ଧିଲା ପାକିସ୍ତାନ
ଜଣେ ପାକିସ୍ତାନୀ ଅଧିକାରୀ କହିଛନ୍ତି ଯେ ଯେତେବେଳେ ଏହି ମତ୍ସ୍ୟଜୀବୀମାନେ ପାକିସ୍ତାନ ସୀମାରେ ପ୍ରବେଶ କରୁଥିଲେ ସେତେବେଳେ ସେମାନଙ୍କୁ ଚେତାବନୀ ମଧ୍ୟ ଦିଆଯାଇଥିଲା କିନ୍ତୁ ଏମାନେ ଶୁଣି ନଥିଲେ । ଏହି ମାଛଧରାଳୀଙ୍କୁ କରାଚି ପଠାଯାଇଛି । ପ୍ରକାଶଥାଉକି, ବର୍ଷେ ପୂର୍ବରୁ 25 ଜଣ ମାଛଧରାଳୀଙ୍କୁ ପାକିସ୍ତାନ ଗିରଫ କରିଥିଲା, ଏହାସହ ସେମାନଙ୍କ 4ଟି ଡଙ୍ଗାକୁ ଜବତ କରି ନେଇଥିଲା ।
ମତ୍ସଜୀବୀଙ୍କୁ ଗିରଫ କରିବା ପ୍ରକ୍ରିୟା ସବୁବେଳେ ଚାଲି ଆସିଛି । ମାଛଧରାଳୀ ପ୍ରକୃତରେ ଆରବ ସାଗର ସୀମା ଜାଣିପାରନ୍ତିନି । ଏହାଦ୍ବାରା ଉଭୟ ଦେଶର ମାଛଧରାଳୀଙ୍କୁ ଗିରଫ କରାଯାଇଛି । ମାଛଧରାଳୀ ପାଖରେ ସୀମାର ସଠିକ୍ ଅନ୍ଦାଜ ଲଗାଇବା ପାଇଁ କୌଣସି ବ୍ୟବସ୍ଥା ନାହିଁ, ଯେଉଁ କାରଣରୁ ସେମାନଙ୍କୁ ଜେଲ ଦଣ୍ଡ ଭୋଗିବାକୁ ପଡେ ।