ହାଇଦ୍ରାବାଦ:ଫ୍ରଫେଟ ମହମ୍ମଦଙ୍କ ବିରୁଦ୍ଧରେ ବିବାଦୀୟ ମନ୍ତବ୍ୟ ଦେଇ ବିଜେପି ବିଧାୟକ ଟି. ରାଜା ସିଂ ଗିରଫ ହୋଇଛନ୍ତି । ବିଧାୟକଙ୍କ ବିବାଦୀୟ ମନ୍ତବ୍ୟ ପରେ ତେଲେଙ୍ଗାନାରେ ରାଜନୀତି ଉଷ୍ମ ହୋଇଛି । ବିଭିନ୍ନ ସ୍ଥାନରେ ଟି. ରାଜା ସିଂଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ ହୋଇଛି । ଏଆଇଏମଆଇଏମ ନେତା ଅସଦ୍ଦୁଦ୍ଦିନ ଓୱେସି ଆଜି (ଶୁକ୍ରବାର) ଶାନ୍ତିପୂର୍ଣ୍ଣ ଭାବେ ନମାଜ ସୁନିଶ୍ଚିନ୍ତ କରିବାକୁ ଅନୁରୋଧ କରିଛନ୍ତି । ବିଜେପି ବିଧାୟକ ଟି. ରାଜା ସିଂଙ୍କୁ ଗିରଫ ପାଇଁ ହୋଇଥିବା ସବୁଠୁ ବଡ ଦାବି ପୂରଣ ହୋଇଛି ବୋଲି କହିଛନ୍ତି AIMIM ନେତା ଅସଦ୍ଦୁଦ୍ଦିନ ଓୱେସି ।
ଓୱେସି କହିଛନ୍ତି, ''ହାଇଦ୍ରାବାଦ ପୋଲିସ ରାଜା ସିଂ ଗିରଫ କରିଛି ଏବଂ ଚେରିୟାପାଲ୍ଲୀ ସେଣ୍ଟ୍ରାଲ ଜେଲରେ ରଖାଯାଇଛି । ମୁଁ ସମସ୍ତଙ୍କୁ ଅନୁରୋଧ କରୁଛି କି ଶୁକ୍ରବାର ଏଭଳି ସ୍ଲୋଗାନ ନ ଦିଆଯାଉ ଯାହା ସୌହାର୍ଦ୍ଦ୍ୟ ଭଙ୍ଗ କରିବ । ସମସ୍ତଙ୍କୁ ଅନୁରୋଧ କରୁଛି ଦେଶର ସୌହାର୍ଦ୍ଦ୍ୟ ବ୍ୟାହତ ହୋଇଛି ଶାନ୍ତି ବଜାୟ ରହିବା ଉଚିତ୍ । ଆମର ସବୁଠୁ ବଡ ଦାବି ପୂରଣ ହୋଇଛି । ତେଣୁ ଶାନ୍ତିପୂର୍ଣ୍ଣ ଶୁକ୍ରବାର ପ୍ରାର୍ଥନା ନିଶ୍ଚିତ କରିବାକୁ ମୁଁ ସମସ୍ତଙ୍କୁ ଅନୁରୋଧ କରୁଛି ।''
ଗତ ମଙ୍ଗଳବାର ଫ୍ରଫେଟ ମହମ୍ମଦଙ୍କ ବିରୁଦ୍ଧରେ ବିବାଦୀୟ ମନ୍ତବ୍ୟ ଦେବା ପରେ ବିଜେପି ବିଧାୟକଙ୍କୁ ଗିରଫ ଦାବି ହୋଇଥିଲା । ବିଦାୟୀୟ ଟିପ୍ପଣୀକୁ ନେଇ ବିବାଦ ଥମିବାର ନାଁ ନେଇନଥିଲା । ଦୁଇ ଦୁଇ ଥର ଗୋଶାମହଲ ବିଧାୟକ ରାଜା ସିଂହ ଷ୍ଟାଣ୍ଡ ଅଫ କମେଡିଆନ ମୁନାୱାରଙ୍କୁ ସମାଲୋଚନା କରି ଏକ ୧୦ ମିନିଟର ଭିଡିଓ ଜାରି କରିଥିଲେ । ସେଥିରେ ସେ ପ୍ରଫେଟ ମହମ୍ମଦଙ୍କ ସମ୍ପର୍କରେ ଆପତ୍ତିଜନକ ମନ୍ତବ୍ୟ ଦେଇଥିଲେ ।