ଇଟାନଗର:ଅରୁଣାଚଳ ପ୍ରଦେଶର ନାହାରାଲାଗୁନର ଏକ ଦୈନିକ ବଜାରରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ପ୍ରାୟ ୭ ଶହରୁ ଅଧିକ ଦୋକାନ ଜଳି ପାଉଁଶ ହୋଇଯାଇଛି (Over 700 shops gutted in fire Arunachal Pradesh)। ଏକାଧିକ ଅଗ୍ନିଶମ ଟିମ ପହଞ୍ଚି ନିଆଁକୁ ଆୟତ କରିବା ଜାରି ରଖିଛନ୍ତି । ମୃତାହତଙ୍କ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳି ପାରିନାହିଁ । ନିଆଁକୁ ଆୟତ କରିବା ପାଇଁ ଏକାଧିକ ଅଗ୍ନିଶମ ବାହିନୀ ଉଦ୍ୟମ ଜାରି ରଖିଛନ୍ତି । ମୃତାହତ ନେଇ କୌଣସି ସୂଚନା ମିଳିନାହିଁ ।
ମିଳିଥିବା ସୂଚନା ଅନୁସାରେ ଏହା ଏକ ଦୈନିକ ବଜାର । ପୂର୍ବାହ୍ନରେ ବ୍ୟବସାୟ ଜାରି ରହିଥିବା ବେଳେ ହଠାତ ଏକ ଦୋକାନରେ ଅଗ୍ନିକାଣ୍ଡ ଘଟିଥିଲା । ପରେ ଗୋଟିଏ ପରେ ଗୋଟିଏ ଦୋକାନକୁ ନିଆଁ ବ୍ୟାପିବାରେ ଲାଗିଥିଲା । ବଜାରର ପ୍ରାୟ ୭ ଶହ ଦୋକାନକୁ ନିଆଁ ବ୍ୟାପି ଯାଇଥିଲା । ଖବର ପାଇ ସ୍ଥାନୀୟ ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚି ନିଆ ଲିଭା ଅପରେସନ ଆରମ୍ଭ କରିଥିଲେ । ପରେ ନିଆଁର ବ୍ୟାପକତାକୁ ଦେଖି ଏକାଧିକ ଟିମ ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ । ସମ୍ପୂର୍ଣ୍ଣ ବଜାରଟି ଜଳି ପାଉଁଶ ହୋଇଯାଇଥିବା ବେଳେ କେହି ମୃତାହତ ହୋଇଥିବା ନେଇ ସୂଚନା ନାହିଁ ।